ព័ត៌មានអន្តរជាតិ

លោក ត្រាំ បិទជំនួយទៅកាន់កូរ៉េខាងជើង ជុំវិញបញ្ហារត់ពន្ធ ឬជួញដូរមនុស្ស របស់ក្រុងព្យុងយ៉ាង

វ៉ាស៊ីនតោន៖ សេតវិមានបានឲ្យដឹងថា ប្រធានាធិបតីសហរដ្ឋអាមេរិកលោក ដូណាល់ ត្រាំបានណែនាំ រដ្ឋាភិបាល របស់លោកឱ្យបញ្ឈប់ការ ផ្តល់ជំនួយមិនមែនមនុស្សធម៌ ដល់ប្រទេសកូរ៉េខាងជើង និងប្រទេសចំនួន ៨ ផ្សេងទៀតរហូតដល់ប្រទេស ទាំងនោះគោរព តាមបទដ្ឋានអប្បបរមា ស្តីពីការជួញដូរមនុស្ស។

នៅក្នុងអនុស្សរណៈមួយទៅកាន់អ្នកការទូតកំពូលរបស់លោក គឺលោក Mike Pompeo លោក ត្រាំ បានលើកឡើងថា លោកបានប្តេជ្ញាចិត្តថា សហរដ្ឋអាមេរិក នឹងមិនផ្តល់ជំនួយ ដែលមិនទាក់ទងនឹងជំនួយមនុស្សធម៌ និងទាក់ទងទៅនឹងបណ្តាប្រទេសនានាឡើយ រហូតដល់រដ្ឋាភិបាល បែបនេះគោរពតាមបទដ្ឋានអប្បបរមា នៃច្បាប់ ឬខិតខំប្រឹងប្រែងយ៉ាងខ្លាំង ដើម្បីនាំខ្លួនពួកគេឱ្យគោរព តាមជាមួយស្តង់ដារអប្បបរមា។

លោកបានបន្ថែមថា ករណីលើកលែងតែមួយគត់ នឹងត្រូវបានកំណត់ សម្រាប់ជំនួយចាំបាច់ ជាមួយនឹងជំងឺរាតត្បាតកូវីដ-១៩ និងវីរុសអេបូឡា ហើយប្រទេសទាំងនោះរួមមាន ប្រទេសប៊ូរុនឌី ចិន គុយបា អេរីទ្រា អ៊ីរ៉ង់ នីការ៉ាហ្គ័រ រុស្ស៊ី និងស៊ីរី ៕
ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top