ព័ត៌មានអន្តរជាតិ

គោលនយោបាយ ពាណិជ្ជកម្មអាមេរិក ឆ្ពោះទៅរកប្រទេសចិន ត្រូវបរាជ័យ

វ៉ាស៊ីនតោន៖ ទិន្នន័យពីរដ្ឋបាល របស់ប្រធានាធិបតីអាមេរិក លោក ដូណាល់ ត្រាំ បានបង្ហាញថា គោលនយោបាយ ពាណិជ្ជកម្មសហរដ្ឋអាមេរិក ឆ្ពោះទៅប្រទេសចិន ធ្វើមិនបានល្អនោះទេ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិន ស៊ិនហួ។

ការអត្ថាធិប្បាយនេះ ត្រូវបានធ្វើឡើងដោយ លោក David J. Firestein ប្រធាន និងជានាយកប្រតិបត្តិមូលនិធិ George H. W. Bush សម្រាប់ទំនាក់ទំនងសហរដ្ឋអាមេរិក – ចិនក្នុងអំឡុងពេល ធ្វើបទបង្ហាញតាមអ៊ីនធឺណិត ដែលរៀបចំឡើង ដោយមជ្ឈមណ្ឌលពាណិជ្ជកម្មអន្តរជាតិ នៅសាកលវិទ្យាល័យ University of South Carolina ។

យោងតាមលោក Firestein អង្គហេតុជាក់ស្តែង បានបង្ហាញថា នៅក្រោមរដ្ឋបាលលោក ត្រាំ គោលនយោបាយ ពាណិជ្ជកម្មសហរដ្ឋអាមេរិក ឆ្ពោះទៅប្រទេសចិនកំពុង “សម្លាប់ការងារអាមេរិក” និង “ធ្វើឱ្យប៉ះពាល់ ដល់សេដ្ឋកិច្ចអាមេរិក” ។

លោកបានលើកឡើងថា “ឱនភាពទំនិញសហរដ្ឋអាមេរិក ជាមួយចិន គឺធំជាងមុន” ការងារផលិតកម្មនៅក្នុងប្រទេសនេះ ត្រូវបានបាត់បង់ មិនមែនទទួលបាននោះទេ៕ ដោយ៖ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top