ព័ត៌មានអន្តរជាតិ

លោក Mike Pompeo ស្នើកូរ៉េខាងត្បូង យោគយល់ពីការផ្អាក ដំណើរទស្សនកិច្ច របស់លោកទៅកាន់ក្រុងសេអ៊ូល

វ៉ាស៊ីនតោន៖ រដ្ឋមន្រ្តីក្រសួងការបរទេស សហរដ្ឋអាមេរិកលោក Mike Pompeo បានទូរស័ព្ទទៅរដ្ឋមន្រ្តីការបរទេសកូរ៉េ ខាងត្បូង លោក ស្រី Kang Kyung-wha ហើយបានស្នើសុំឱ្យមានការយល់ដឹង អំពីការពន្យារពេល នៃការធ្វើដំណើរតាមផែនការ របស់លោកទៅកាន់ទីក្រុងសេអ៊ូល ដែលគ្រោងនឹងធ្វើនៅសប្តាហ៍នេះ។

លោក Pompeo បានបញ្ឈប់ដំណើរទស្សនកិច្ច របស់លោកទៅកាន់ទីក្រុងសេអ៊ូល នៅពេលលោកបានកាត់បន្ថយដំណើរ ទស្សនកិច្ចនៅអាស៊ីបូព៌ា របស់លោក បន្ទាប់ពីប្រធានាធិបតីអាមេរិក លោក ដូណាល់ ត្រាំ និងលោកស្រីទីមួយ Melania Trump បានធ្វើតេស្តវិជ្ជមាន សម្រាប់ COVID-១៩ កាលពីសប្តាហ៍មុន។

ក្រសួងបានឲ្យដឹងនៅក្នុងសេចក្តី ប្រកាសព័ត៌មានថា“ រដ្ឋមន្រ្តីក្រសួង Pompeo បានពន្យល់ថាដំណើរទស្សនកិច្ចរបស់លោក ទៅកាន់ប្រទេសកូរ៉េខាងត្បូង ដែលគ្រោងធ្វើនៅសប្តាហ៍នេះ ត្រូវបានពន្យាពេល សម្រាប់ហេតុផល ដែលមិនអាចចៀសផុត របស់ភាគីសហរដ្ឋអាមេរិក និងបានស្នើសុំឱ្យមានការយោគយល់ ពីខាងកូរ៉េខាងត្បូង”៕
ដោយ ឈូក បូរ៉ា

To Top