វ៉ាស៊ីនតោន ៖ ប្រធានាធិបតី ជាប់ឆ្នោតអាមេរិក លោក ចូ បៃដិន បានលើកឡើងថា ការបដិសេធ របស់ប្រធានាធិបតី លោក ដូណាល់ ត្រាំ ក្នុងការទទួលស្គាល់ ការបរាជ័យក្នុងការបោះឆ្នោត កាលពីសប្តាហ៍មុន គឺជាការអាម៉ាស់មួយ ខណៈពេលកំពុងមើល ការព្រួយបារម្ភថា អាកប្បកិរិយា របស់ប្រធានាធិបតីបច្ចុប្បន្ន អាចរារាំងការងារឆ្ពោះ ទៅរកការផ្លាស់ប្តូរ រលូននៅក្នុងខែមករា។
បេក្ខជនប្រជាធិបតេយ្យ វ័យ ៧៧ ឆ្នាំរូបនេះ ដែលត្រូវបានគេប៉ាន់ស្មានថា ជាអ្នកឈ្នះការបោះឆ្នោត ដោយប្រព័ន្ធផ្សព្វផ្សាយអាមេរិក កាលពីថ្ងៃសៅរ៍ បានប្រាប់អ្នកយកព័ត៌មានថា “ខ្ញុំគ្រាន់តែគិតថា វាជាការអាម៉ាស់មួយ ហើយនិយាយ ដោយត្រង់ទៅ រឿងតែមួយគត់ដែលថា តើខ្ញុំអាចនិយាយយ៉ាងម៉េចបាន – ខ្ញុំគិតថាវានឹងមិនជួយកេរ្តិ៍ឈ្មោះ របស់ប្រធានាធិបតីនោះទេ” ។
លោកប្រធានាធិបតីលោក ដូណាល់ ត្រាំ ដែលមានអាយុ ៧៤ ឆ្នាំបានអះអាងថា ការបោះឆ្នោតនេះ ត្រូវបានគេលួចបន្លំ តាមរយៈសន្លឹកឆ្នោតខុសច្បាប់ ដែលសំដៅទៅលើសន្លឹកឆ្នោត ផ្ញើតាមសំបុត្រ ដែលលោកបានធ្វើការរិះគន់ដោយគ្មានមូលដ្ឋានថា ជាជនងាយរងគ្រោះពីការលួចបន្លំសន្លឹកឆ្នោត។
លោកក៏បានទទូចផងដែរថា អ្នកឃ្លាំមើលគណបក្សសាធារណរដ្ឋ ត្រូវបានគេបដិសេធ មិនត្រឹមត្រូវក្នុងការចូលរួមសង្កេត មើលដំណើរការរាប់សន្លឹកឆ្នោត នៅក្នុងទីតាំងមួយចំនួន៕
ដោយ ឈូក បូរ៉ា