វ៉ាស៊ីនតោន៖ សមាជិកសភាសហរដ្ឋអាមេរិក បានឲ្យដឹងកាលពីថ្ងៃពុធថា សហរដ្ឋអាមេរិក គួរតែពិចារណាឡើងវិញនូវភាពជាដៃគូអន្តរប៉ាស៊ីហ្វិក (TPP) ដែលជាមធ្យោបាយ មួយក្នុងការទប់ទល់នឹងប្រទេសចិន និងការរំសាយអាវុធនុយក្លេអ៊ែរ របស់កូរ៉េខាងជើង ហើយការចាកចេញពីកតិកាសញ្ញាពាណិជ្ជកម្មសេរីក្នុងតំបន់ គឺជាកំហុសមួយ។
TPP ត្រូវបានចុះហត្ថលេខាដោយប្រទេសចំនួន ១២ រួមទាំងសហរដ្ឋអាមេរិកផងដែរ កាលពីខែកុម្ភៈ ឆ្នាំ២០១៦ ប៉ុន្តែសហរដ្ឋអាមេរិក បានដកខ្លួនចេញពីកិច្ចព្រមព្រៀងពាណិជ្ជកម្មនៅថ្ងៃទី ២៣ ខែមករា ឆ្នាំ២០១៧ ពោលគឺ ៣ ថ្ងៃបន្ទាប់ពីប្រធានាធិបតីលោក ដូណាល់ ត្រាំ ចូលកាន់តំណែង។
លោក Matt Salmon អតីតសមាជិកសភាគណបក្សសាធារណរដ្ឋ និងជាតំណាងរាស្ត្រមកពីរដ្ឋអារីហ្សូណា បានលើកឡើងថា “នៅទីបំផុតយើងចង់ឃើញវាបង្អាក់កូរ៉េខាងជើងហើយខ្ញុំនៅតែជឿជាក់ថាវាអាចទៅរួច។
អតីតសមាជិកសភារូបនេះបានកត់សម្គាល់ថា TPP អាចត្រូវបានគេមើលឃើញថាបជាកិច្ចព្រមព្រៀងពាណិជ្ជកម្ម ប៉ុន្តែបានទទូចថា វានឹងនាំមកនូវអ្វីជាច្រើនទៀតដល់សហរដ្ឋអាមេរិកប្រសិនបើប្រទេសនេះនៅតែមានកិច្ចព្រមព្រៀងនេះ៕ដោយ ឈូក បូរ៉ា
