ព័ត៌មានអន្តរជាតិ

បែកធ្លាយរូបថត ទាហានអូស្ត្រាលី ប្រើជើងរបស់ ពួកសកម្មប្រយុទ្ធ តាលីបង់ដែលស្លាប់ មកផឹកស្រាបៀរ ជំនួសកែវ

បរទេស៖ កាសែត The Guardian របស់អូស្រ្តាលី បានបង្ហាញរូបថតមួយសន្លឹករបស់ទាហានពិសេសអូស្ត្រាលីដែលគេចោទប្រកាន់ថា កំពុងផឹកស្រាបៀរ ដោយប្រើជើងរបស់ទាហានតាលីបង់ដែលបានស្លាប់ នៅក្នុងបារ៍មួយនៅប្រទេសអាហ្វហ្គានីស្ថាន។

យោងតាមសារព័ត៌មាន Sputnik ចេញផ្សាយនៅថ្ងៃទី០១ ខែធ្នូ ឆ្នាំ២០២០ បានឱ្យដឹងដោយយោងតាមសារព័ត៌មាន The Guardian ថា ទាហានរូបនោះត្រូវបានគេអះអាងថាកំពុងស្ថិតនៅក្នុងជួរយោធានៅឡើយ។ ឈុតនេះបានកើតឡើងនៅឯបារ Fat Lady’s Arms ដែលជាហាងក្រៅផ្លូវការដែលបានបង្កើតឡើងនៅក្នុងមូលដ្ឋានពិសេសរបស់អូស្រ្តាលីនៅ Tarin Kowt ក្នុងឆ្នាំ ២០០៩ ។

រូបថតមួយទៀតបង្ហាញពីទាហានពីរនាក់កំពុងរាំ ជាមួយនឹងអវៈយៈវៈជើង ដែលត្រូវបានគេជឿថាជារបស់អ្នកប្រយុទ្ធតាលីបង់ ដែលត្រូវបានសម្លាប់ កំឡុងពេលមានការវាយលុកទៅលើបរិវេណចំនួន២ និងផ្លូវរូងក្រោមដីមួយនៅឯភូមិ Kakarak នៅខេត្ត Uruzgan ក្នុងខែមេសាឆ្នាំ ២០០៩ ៕ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top