ព័ត៌មានអន្តរជាតិ

EU កំពុងអន់ចិត្តដោយសារ Pfizer ខកខានដឹកជញ្ជូន វ៉ាក់សាំងតាមកាលកំណត់

បរទេស៖ ទូរទស្សន៍ BBC ចេញផ្សាយនៅថ្ងៃសៅរ៍នេះបានឲ្យដឹងថាប្រទេសនៅសហភាពអ៊ឺរ៉ុបមួយចំនួនបានបង្ហាញ ភាពខឹងសម្បារដោយសារតែវ៉ាក់សាំងរបស់ Pfizer មួយចំនួនប៉ុណ្ណោះ ដែលត្រូវបានដឹកជញ្ជូនមកដល់ពួកគេ ប៉ុន្តែមានចំនួនតិចជាងការរំពឹងទុក។

ប្រទេសក្នុងតំបន់អ៊ឺរ៉ុបចំនួន៦ ដែលត្រូវបានគេដឹងថាមានដូចជា ប្រទេសស៊ុយអែតដាណឺម៉ាកហ្វាំងឡង់លីទុយនេស៊ីឡាតវៀ និងអេស្តនីបាននាំគ្នាធ្វើការជម្រុញឲ្យសហភាពអ៊ឺរ៉ុបឬ EU ក្នុងការដាក់សំពាធឲ្យ Pfizer ក្នុងការដឹកជញ្ជូនវ៉ាក់សាំងត្រឹមត្រូវតាមកាលកំណត់និងគ្រប់ចំនួនឡើងវិញ។

ជាការឆ្លើយតប Pfizer បានចេញមកនិយាយថា ការកាត់បន្ថយវ៉ាក់សាំងនិងការពន្យាពេលនេះគឺជាបញ្ហាបណ្តោះអាសន្នប៉ុណ្ណោះ នៅពេលនេះដោយបន្តទៀតថាក្រុមហ៊ុនកំពុងព្យាយាមធ្វើការផ្លាស់ប្តូរដំណើរការ ផលិតនិងសង្វាក់ផលិតកម្មថ្មីដើម្បីពន្លឿនការផលិត៕

ប្រែសម្រួល៖ស៊ុនលី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។

All rights reserved by: DAP News

To Top
×