ហាវ៉ាណា៖ ទីភ្នាក់ងារព័ត៌មាន ចិនស៊ិនហួ បានចុះផ្សាយនៅថ្ងៃទី០៧ ខែមេសា ឆ្នាំ២០២១ថា ក្រសួងសុខាភិបាល សាធារណៈបាននិយាយថា ប្រទេសគុយបា ត្រូវបានគេរាយការណ៍ កាលពីថ្ងៃអង្គារថា មានករណីថ្មី នៃជំងឺកូវីដ១៩ ចំនួន១.០៣០នាក់ កាលពីថ្ងៃមុន ដែលគេបញ្ជាក់ថា ចំនួនអ្នកឆ្លងជំងឺ នៅក្នុងប្រទេសដែនកោះមួយនេះ កើនឡើង ដែលនាំឲ្យចំនួនអ្នកឆ្លងជំងឺ កើនឡើងដល់ ៨១.៦៤០នាក់ ជាមួយគ្នានេះដែរ មានអ្នកស្លាប់បន្ថែមទៀត ចំនួន០៤នាក់ សរុបអ្នកស្លាប់ កើនឡើងដល់ ៤៤០នាក់ ។
លោក Francisco Duran នាយកទទួលបន្ទុក កិច្ចការអនាម័យ និងជំងឺឆ្លងចំណុះឲ្យក្រសួងខាងលើ បានរាយការណ៍ថា ក្នុងចំណោម ករណីថ្មី គឺចំនួន១.០២១នាក់ ជាអ្នកឆ្លងជំងឺនៅក្នុងសហគមន៍ ជាមួយគ្នានេះដែរ ៤៣៧នាក់ ក្នុងចំណោមពួកគេ នៅក្រុងហាវ៉ាណា ដែលជាចំណុចកណ្តាលដែលនៅបន្តឆ្លងរាតត្បាត ។
កាលពីថ្ងៃអង្គារ លោក Miguel Diaz-Canel ប្រធានាធិបតីគុយបា បានប្រកាសក្តែងៗពីវិធានការ ដើម្បីទប់ស្កាត់អត្រាឆ្លងជំងឺកូវីដ១៩ នៅក្នុងប្រទេស ហើយបានព្រមានតាមបណ្តាញសង្គម Twitter ថា “ការយល់ដឹងនៅកម្រិតទាប ដែលបង្កហានិភ័យ គឺគ្រោះថ្នាក់ខ្ពស់បំផុត” ។
លោកប្រធានាធិបតីបានសរសេរនៅលើបណ្តាញសង្គមឲ្យដឹងថា “ការក្រើនរំលឹកចាប់ផ្តើម ក្នុងខែមេសានេះ ដែលមានអ្នកឆ្លងជំងឺគិតជាមធ្យម ប្រចាំថ្ងៃជាង១.០០០នាក់ ភាគច្រើននៅក្រុង ហាវ៉ាណា ។ ក្នុងរយៈពេលប៉ុន្មានម៉ោង នឹងមាន” វិធានការតឹងតែង ដោយបានផ្អែកលើវធានការនានា ដែលស្រដៀងគ្នាទៅនឹងការផ្ទុះជំងឺលើកដំបូងដែរ” ៕
ដោយ៖ ម៉ៅ បុប្ផាមករា
