យូអិន៖ លោក Marcos Orellana អ្នករាយការណ៍ពិសេស របស់អង្គការ សហប្រជាជាតិ ស្តីពីសារធាតុពុល និងសិទ្ធិមនុស្ស បានលើកឡើងថា ការបញ្ចេញទឹក វិទ្យុសកម្មហ្វូគូស៊ីម៉ា ចូលទៅក្នុងមហាសមុទ្រប៉ាស៊ីហ្វិក នឹងនាំមកនូវភាព មិនប្រាកដប្រជាដ៏ធំធេង ទាក់ទងនឹងផលប៉ះពាល់ សក្តានុពលនៃការផ្លាស់ប្តូរ លើបរិស្ថានពិភពលោក។
ការសម្រេចចិត្ត បែបអព្យាក្រឹត របស់គណៈរដ្ឋមន្រ្តីរបស់នាយករដ្ឋមន្ត្រីជប៉ុន Suga ក្នុងការបញ្ចេញទឹកវិទ្យុសកម្ម ហ្វូគូស៊ីម៉ាដាយឈី មានចំនួន ១,២៣ លានតោន បានទទួលការ ថ្កោលទោស ពីសំណាក់អង្គការបរិស្ថាន សង្គមស៊ីវិល ចិន កូរ៉េខាងត្បូង និងអង្គការសហ ប្រជាជាតិផងដែរ។
អ្នកជំនាញអង្គការ សហប្រជាជាតិ បានប្រាប់ស៊ីនហួ នៅថ្ងៃព្រហស្បតិ៍ម្សិលមិញនេះថា “នៅពេលនេះអ្នកវិទ្យាសាស្ត្រ បានព្រមានថាហានិភ័យ នៃសារធាតុវិទ្យុសកម្ម មួយចំនួន ដូចជាទ្រីត្រូនីញ៉ូម ដែលមាននៅក្នុង ដែនទឹកហ្វូគូស៊ីម៉ា ត្រូវបានគេប៉ាន់ស្មានមិនដល់” ។ វានៅតែមានភាពមិនច្បាស់លាស់ ទាក់ទងនឹងផលប៉ះពាល់ ដែលអាចកើតមាន។
ទោះបីជារដ្ឋាភិបាលជប៉ុន បានសហការជាមួយ ទីភ្នាក់ងារថាមពលបរមាណូ អន្តរជាតិ (IAEA) ក៏ដោយក៏លោក Orellana បានសង្កត់ធ្ងន់ថា ការគាំទ្រពី IAEA តែមួយ “មិនមានន័យថា ជប៉ុនត្រូវបានរំសាយ ចេញពីកាតព្វកិច្ច ស្របច្បាប់អន្តរជាតិ ផ្សេងទៀតរបស់ខ្លួននោះទេ” ។
លោកបានកត់សម្គាល់ថា“ ច្បាប់អន្តរជាតិសាធារណៈទំនើបបង្កើតជាកាតព្វកិច្ចសំខាន់ ដើម្បីការពារគ្រោះថ្នាក់ ដល់បរិស្ថាន ដល់ប្រទេសដទៃ ឬបរិស្ថានសមុទ្រ” ។ កាតព្វកិច្ចនេះទាមទារ ឲ្យមានការប្រុងប្រយ័ត្ន ក្នុងនាមប្រទេសជប៉ុន ដែលមានន័យថា ប្រទេសជប៉ុន ត្រូវធ្វើអ្វីគ្រប់យ៉ាង តាមសមត្ថភាព និងសមត្ថភាពរបស់ខ្លួន ដើម្បីការពារការខូចខាត ដល់ប្រទេសដទៃទៀត និងបរិស្ថានសមុទ្រ។
អ្នកជំនាញអ។ ស។ ប។ បានព្រមានថា បទដ្ឋានបច្ចេកទេស ដែលមានស្រាប់របស់ EAIA “ ប្រហែលជាមិនផ្តល់ ការការពារគ្រប់គ្រាន់នោះទេ” ។
លោកបានបន្ដថា ប្រព័ន្ធដែលគេហៅថា ប្រព័ន្ធដំណើរការរាវកម្រិតខ្ពស់ (ALPS) ដែលត្រូវបានអនុវត្ត ដោយប្រទេសជប៉ុន មិនបានលុបចោល នូវសារធាតុ វិទ្យុសកម្មមួយចំនួន ដូចជាទ្រីមីញ៉ូម និងកាបូន១៤ នោះទេ៕ ដោយ៖ ឈូក បូរ៉ា
