ព័ត៌មានអន្តរជាតិ

លោក ចូ បៃដិន៖ “ មានវឌ្ឍនភាព” នៅក្នុងកិច្ចប្រជុំកំពូល អាកាសធាតុ ប៉ុន្ដែអំពាវនាវឱ្យ មានការអនុវត្តជាក់ស្ដែង

វ៉ាស៊ីនតោន៖ លោកប្រធានាធិបតី ចូ បៃដិន បានលើកឡើងថា ពិភពលោកបានធ្វើវឌ្ឍនភាព ដ៏សំខាន់ នៅក្នុងកិច្ចខិតខំប្រឹងប្រែង របស់ខ្លួន ដើម្បីដោះស្រាយការប្រែប្រួល អាកាសធាតុ តាមរយៈការសន្យាថ្មី ដែលបានបង្ហាញក្នុងអំឡុង កិច្ចប្រជុំកំពូល ដែលរៀបចំឡើងដោយសហរដ្ឋអាមេរិក ប៉ុន្តែត្រូវមានសកម្មភាព បន្ថែមទៀត។

លោក បៃដិន បានឲ្យនៅពេលបញ្ចប់ កិច្ចប្រជុំនិម្មិតរយៈពេល ២ ថ្ងៃដែលបាននាំយកមេដឹកនាំ ពិភពលោកចំនួន ៤០ នាក់ផ្សេងទៀត ដែលរួមមានទាំងចិន ឥណ្ឌា និងប្រទេសជប៉ុនផងដែរថា ការប្តេជ្ញាចិត្ត ដែលយើងបានធ្វើត្រូវតែ ក្លាយជាការពិត។

លោកបានបន្ថែមថា“ យើងត្រូវធ្វើការរួមគ្នាជាថ្មីម្តងទៀត ដើម្បីកសាងអនាគត ថាមពលស្អាត ដែលផ្តល់ការងារល្អ និងជំនះនូវការគំរាមកំហែង នៃការប្រែប្រួលអាកាសធាតុ វិនិយោគលើការច្នៃប្រឌិត និងប្រជាជនបង្កើន មហិច្ឆតារបស់ យើងធានាថា ប្រជាជាតិទាំងអស់ មានចំណែកដូចគ្នា” ។

ទាំងនៅមុនពេលឈាន ដល់កិច្ចប្រជុំកំពូល ឬក្នុងព្រឹត្តិការណ៍នេះ សហរដ្ឋអាមេរិក ជប៉ុន និងកាណាដា បានកំណត់គោលដៅថ្មី និងប្រសើរឡើង ដើម្បីកាត់បន្ថយ ការបំភាយឧស្ម័ន ផ្ទះកញ្ចក់នៅឆ្នាំ២០៣០ ។ ប្រទេសកូរ៉េ ប្រកាសថា នឹងបញ្ចប់ហិរញ្ញវត្ថុសាធារណៈរបស់រោងចក្រធ្យូងថ្មនៅបរទេស។

គោលដៅសំខាន់ នៃកិច្ចប្រជុំកំពូល គឺដើម្បីជំរុញការខិតខំប្រឹងប្រែង ដើម្បីកំណត់ការឡើងកម្តៅផែនដីដល់ ១,៥ អង្សាសេខ្ពស់ជាងកម្រិតមុនពេលកំណត់ ដូចមានចែងក្នុងកិច្ចព្រមព្រៀងទីក្រុងប៉ារីស ឆ្នាំ២០១៥ ដើម្បីចៀសវាងផលប៉ះពាល់ មហន្តរាយ នៃការប្រែប្រួលអាកាសធាតុ៕

ដោយ ឈូក បូរ៉ា

To Top