បរទេស៖ យោងតាមការចេញផ្សាយ របស់ទីភ្នាក់ងារដ្ឋរបស់ម៉ាឡេស៊ីនៅថ្ងៃសៅរ៍នេះបានឲ្យដឹងថា ប្រទេសរបស់ខ្លួនទើបតែទទួលបាននូវកញ្ចប់វ៉ាក់សាំង AstraZeneca លើកដំបូងហើយប្រមាណជា២៦៨ ៨០០ដូស។
លោករដ្ឋមន្ត្រីក្រសួងសុខាភិបាល Adham Baba បានបញ្ជាក់ដែរថាកញ្ចប់វ៉ាក់សាំងមួយនេះ ត្រូវបានធ្វើឡើងនៅក្នុងកិច្ចព្រមព្រៀងទិញលក់មួយនៃកម្មវិធី COVAX របស់អង្គការសុខភាពពិភពលោក WHO។
លោកបន្តថាវ៉ាក់សាំង ដែលបានធ្វើដំណើរមកដល់ម៉ាឡេស៊ីតាំងតែពីយប់ថ្ងៃសុក្រនោះ គឺមានប្រភពមកពីប្រទេសកូរ៉េខាងត្បូងហើយវានឹងត្រូវយក ទៅស្តុកទុកនៅតាមបណ្តាស្ថានីយស្តុកទុករបស់ខ្លួន ដែលបានត្រៀមទុករួចជាស្រេចហើយនោះ។
គួរឲ្យដឹងដែរថាម៉ាឡេស៊ី បានធ្វើកិច្ចព្រមព្រៀងដែលអាចបញ្ជាទិញយកវ៉ាក់សាំង AstraZeneca សរុបប្រមាណជា១២,៨លានដូស ដែលក្នុងនោះពាក់កណ្តាលគឺធ្វើឡើងតាមរយៈកម្មវិធី COVAX ហើយតាមផែនការវ៉ាក់សាំងសរុប៦០ម៉ឺនដូសនឹងធ្វើដំណើរ មកដល់ម៉ាឡេស៊ីទាំងអស់នៅត្រឹមខែមថុនានេះ៕
ប្រែសម្រួល៖ស៊ុនលី
![](https://dap-news.com/wp-content/uploads/2021/04/DC21D9F4-E52C-4D48-A9FC-2A31FA22C144.jpeg)
![](https://dap-news.com/wp-content/uploads/2020/08/1-1.png)