ដាកា៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី០៣ ខែឧសភា ឆ្នាំ២០២១ថា មន្ត្រីប៉ូលិសជាន់ខ្ពស់ មួយរូបបាននិយាយថា ទូកល្បឿនលឿនមួយគ្រឿង បានដឹកអ្នកដំណើរ ជាច្រើនអ្នក បានបុកនាវា ដឹកខ្សាច់មួយគ្រឿង ហើយបានលិចចូលក្នុងទន្លេ Padma ប្រទេសបង់ក្លាដេស នៅក្នុងស្រុក Madaripur បណ្តាលឲ្យស្លាប់មនុស្សតិចបំផុត២៦នាក់ និងមួយចំនួនទៀតបាត់ខ្លួន ។
លោក Abdul Hannan អធិការស្រុក បានប្រាប់ដល់ស៊ិនហួ ថា “សាកសពចំនួន២៦នាក់បានរកឃើញ” ។
គាត់បាននិយាយថា ភាគច្រើននៃសាកសពទំាងនោះ ត្រូវបានរកឃើញនៅក្នុងពេលលិចទូកល្បឿនលឿន បន្ទាប់ពីទូកត្រូវបានគេអូសចូលច្រាំង ។
គាត់បានបន្ថែមថា កំពុងបន្តការរុកអ្នកដេលបាត់ខ្លួន ។
មន្ត្រីបាននិយាយថា អ្នកខ្លះក្នុងចំណោមអ្នកដំណើរ បានហែលទឹកមកកាន់ឆ្នេរខ្សាច់វិញ បន្ទាប់ពីមានឧប្បត្តិហេតុដែលបានកើតឡើងនៅវេលាម៉ោងប្រមាណ៦និង០០នាទីព្រឹក ម៉ោងក្នុងស្រុក ៕
ដោយ៖ ម៉ៅ បុប្ផាមករា
