ព័ត៌មានអន្តរជាតិ

ឆ្នាំ២០១១ អ៊ូសាម៉ាប៊ីនឡាដេន ត្រូវបានបាញ់សម្លាប់ នៅប៉ាគីស្ថាន

ប្រវត្តិសាស្ត្រ: នាថ្ងៃទី២ ខែឧសភា កាលពីក្នុងឆ្នាំ២០១១ អូសាម៉ាប៊ិនឡាដេន ដែលជា មេក្លោងនៅពីក្រោយការ វាយប្រហារភេវរកម្ម នៅថ្ងៃទី១១ ខែកញ្ញា ឆ្នាំ២០០១ នៅសហរដ្ឋអាមេរិក ត្រូវបានសម្លាប់ ដោយកងកម្លាំងពិសេស សហរដ្ឋអាមេរិក នៅក្នុងអំឡុងការវាយឆ្មក់ លើកន្លែងលាក់ខ្លួនមួយ នៅប្រទេសប៉ាគីស្ថាន ។

មេដឹកនាំ អាល់កៃដា ដែលមានអាយុ៥៤ឆ្នាំ ដ៏ល្បីល្បាញ ដែលជាបណ្តាញភេរវករ នៃក្រុមជ្រុលនិយមឥស្លាម បានក្លាយជាគោលដៅ នៃការប្រមាញ់អន្ដរជាតិ ជិតមួយទសវត្សរ៍។

ប្រតិបត្តិការវាយឆ្មក់ បានចាប់ផ្ដើមនៅវេលាម៉ោង១ព្រឹកម៉ោង ក្នុងស្រុកនៅពេល ដែល ឧទ្ធម្ភាគចក្រ Black Hawk ចំនួន២គ្រឿង ដែលផ្ទុកទៅដោយកងកម្លាំង ពិសេសអាមេរិក ចំនួន ២៣នាក់ បានចុះចតនៅលើ បរិវេណនៅ Abbottabad ជាមជ្ឈមណ្ឌលទេសចរ និងយោធានៅភាគខាងជើង រដ្ឋធានីអ៊ីស្លាម៉ាបាដ ។ ឧទ្ធម្ភាគចក្រមួយគ្រឿង បានធ្លាក់ចូលក្នុងបរិវេណ ប៉ុន្តែគ្មាននរណាម្នាក់ជិះ លើយន្តហោះ ដែលបានបាត់បង់ជីវិតឡើយ។

ផ្ទាំងពាណិជ្ជកម្ម

ក្នុងអំឡុងពេល វាយឆ្មក់ ដែលមានរយៈពេលប្រហែល៤០នាទី មនុស្ស៥នាក់រួម ទាំងប៊ិនឡាដេន និងកូនប្រុសជំទង់របស់គាត់ ត្រូវបានបាញ់សម្លាប់ ប៉ុន្តែគ្មានទាហាន អាមេរិកណាម្នាក់ ត្រូវបានរងរបួស ក្នុងការវាយប្រហារនោះទេ។ បន្ទាប់មក រាងកាយ របស់ប៊ិនឡាដេន ត្រូវបានដឹក តាមឧទ្ធម្ភាគចក្រ ទៅអាហ្វហ្គានីស្ថាន ដើម្បីកំណត់អត្តសញ្ញាណ ជាផ្លូវការ បន្ទាប់មកត្រូវបានគេយកទៅចោល នៅក្នុងទីតាំង ដែលមិនត្រូវបានគេដឹងនៅក្នុងសមុទ្រ អារ៉ាប់ តិចជាង២៤ម៉ោង ភ្លាមបន្ទាប់ពីការស្លាប់របស់គាត់ ស្របទៅតាមការអនុវត្ត នៃប្រពៃណីរបស់អ៊ីស្លាម៕

ប្រែសម្រួល:ស៊ុនលី

To Top