ព័ត៌មានអន្តរជាតិ

អាមេរិក បញ្ជូនវ៉ាក់សាំង ការពារជំងឺកូវីដ១៩ ជាង ១១០ លានដូស ទៅប្រទេសចំនួន ៦៥ ដោយមិនគិតថ្លៃ

បរទេស៖ ប្រធានាធិបតីអាមេរិកលោក ចូបៃដិន បាននិយាយនៅថ្ងៃអង្គារថា សហរដ្ឋអាមេរិកបានចែកចាយ វ៉ាក់សាំងកូវីដ ១៩ ចំនួនជាង ១០០ លានដូស នៅក្រៅប្រទេស ច្រើនជាងប្រទេសដទៃទៀត ដែលរួមបញ្ចូលជាមួយប្រទេសវៀតណាម ក្នុងចំណោមអ្នកទទួលធំ ៗ ។

យោងតាមសារព័ត៌មាន VN Express ចេញផ្សាយនៅថ្ងៃទី៤ ខែសីហា ឆ្នាំ២០២១ បានឱ្យដឹងថា ការប្រកាសនេះបន្ទាប់ពីរដ្ឋបាលសម្រេចបាននូវគោលដៅ ៤ កក្កដារបស់ខ្លួន ដើម្បីទទួលបាន ៧០ ភាគរយនៃមនុស្សពេញវ័យអាមេរិក ដែលយ៉ាងហោចណាស់ទទួលបានវ៉ាក់សាំងមួយដូស ដែលសម្គាល់ថា “ គ្រាន់តែជាការចាប់ផ្តើម” របស់សហរដ្ឋអាមេរិកដើម្បីជួយពិភពលោកក្នុងការប្រយុទ្ធប្រឆាំងនឹងការរីករាលដាលនៃមេរោគកូវីដ១៩។ នេះបើតាម សេតវិមាន ។

លោក ចូបៃដិន បាននិយាយនៅក្នុងសុន្ទរកថាជាតិមួយថា “ គិតត្រឹមថ្ងៃនេះ យើងបានបញ្ជូនវ៉ាក់សាំងជាង ១១០ លានដូសទៅប្រទេសចំនួន ៦៥ ។

លោកបានបន្ថែមថា “ ការផ្តល់វ៉ាក់សាំងទាំងនេះពីអាមេរិកគឺមិនគិតថ្លៃទេ យើងមិនលក់ទេ។ គ្មានការរើសអើងនិងមិនមានខ្សែភ្ជាប់។ យើងកំពុងធ្វើនេះដើម្បីជួយសង្គ្រោះជីវិតមនុស្សនោះហើយ” ។

ប្រទេសដែលទទួលវ៉ាក់សាំងសំខាន់ៗរួមមាន ឥណ្ឌូណេស៊ី ហ្វីលីពីន កូឡុំប៊ី វៀតណាម បង់ក្លាដែស ប៉ាគីស្ថាន និង ប្រទេសអាហ្វ្រិកខាងត្បូង។

ប្រទេសវៀតណាមបានទទួលថ្នាំចំនួន ៥ លានដូស ខណៈដែលប្រទេសហ្វីលីពីនផ្តល់ចំនួន ៦ ២៣៩ ០០០ ដូស បន្ទាប់មក កូឡុំប៊ី ៦ លានដូស, អាហ្វ្រិកខាងត្បូង ៥ ៦៦០ ០០០ ដូស និងបង់ក្លាដែសនិងប៉ាគីស្ថាន ៥.៥ លានដូស រៀងៗខ្លួន៕ប្រែសម្រួលៈ ណៃ តុលា

To Top