ហ្សឺណែវ ៖ ជុំថ្មី នៃកិច្ចចរចាសន្តិសុខរវាងសហរដ្ឋអាមេរិក និងរុស្ស៊ី បានបញ្ចប់កាលពីល្ងាចថ្ងៃចន្ទ នៅទីក្រុងហ្សឺណែវ ដោយមិនបានផ្តល់លទ្ធផល ទម្លាយផ្លូវការទូតណាមួយឡើយ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ ។
ខណៈភាគីអាមេរិកបានហៅកិច្ច ចរចាចុងក្រោយរវាងមហាអំណាច ពិភពលោកធំៗទាំងពីរថា “ការទូតរបស់យើងក្នុងការស្វែង រកការបន្ធូរបន្ថយភាពតានតឹង ជាមួយរុស្ស៊ី” ភាគីរុស្ស៊ីបានហៅកិច្ចចរចា រវាងអាមេរិក និងរុស្ស៊ីថា ជាការចរចាធានាសុវត្ថិភាព ។
ដូចកិច្ចសន្ទនាស្ថិរភាពជា យុទ្ធសាស្ត្រទ្វេភាគីរវាងអាមេរិក និងរុស្ស៊ី កាលពីឆ្នាំមុន នៅទីក្រុងហ្សឺណែវ គណៈប្រតិភូអាមេរិក ដឹកនាំដោយអនុរដ្ឋមន្ត្រីការបរទេស អាមេរិកលោកស្រី Wendy Sherman ចំណែកភាគីរុស្ស៊ីដឹកនាំ ដោយអនុរដ្ឋមន្ត្រីការបរទេស លោក Sergei Ryabkov ។
លោក Ryabkov បានប្រាប់សន្និសីទសារព័ត៌មាន បន្ទាប់ពីកិច្ចពិភាក្សាថា”ការពិភាក្សាមានការលំបាក វែងឆ្ងាយ ប្រកបដោយវិជ្ជាជីវៈ ស៊ីជម្រៅ ជាក់ស្តែង ដោយមិនមានការប៉ុនប៉ង ធ្វើឱ្យរលោងចេញពីគែមមុត ស្រួចមួយចំនួននោះទេ។ យើងមានអារម្មណ៍ថា ភាគីអាមេរិកបានយកសំណើ របស់រុស្ស៊ី យ៉ាងយកចិត្តទុកដាក់ ហើយសិក្សាវាឲ្យស៊ីជម្រៅ” ។
លោកស្រី Sherman បានប្រាប់សន្និសីទសារព័ត៌មានដាច់ដោយឡែកបន្ទាប់ពីកិច្ចពិភាក្សាថា “យើងមានការពិភាក្សា ដោយស្មោះត្រង់ និងត្រង់ៗក្នុងរយៈពេលជិត ៨ម៉ោងនៅឯបេសកកម្ម របស់សហរដ្ឋអាមេរិក នៅទីក្រុងហ្សឺណែវ។ នេះជាលើកទី៣ ហើយដែលកិច្ចសន្ទនាស្ថិរភាព យុទ្ធសាស្ត្រអាមេរិក-រុស្ស៊ី បានកោះប្រជុំចាប់តាំង ពីប្រធានាធិបតីលោក បៃដិន និង ប្រធានាធិបតីលោក ពូទីន បានជួបនៅ ទីក្រុងហ្សឺណែវ កាលពីខែមិថុនាមុន” ។
លោក Ryabkov ត្រូវបានលើកឡើងដោយ បេសកកម្មរុស្ស៊ីក្នុងទីក្រុងហ្សឺណែវកាលពីថ្ងៃចន្ទថា អ្វីដែលរុស្ស៊ី ស្វែងរកគឺជាការធានាស្របច្បាប់របស់អង្គការសន្ធិសញ្ញាអាត្លង់ទិកខាងជើង (NATO) មិនឲ្យពង្រីកទៅខាងបូព៌ា៕
ដោយ ឈូក បូរ៉ា
