ព័ត៌មានអន្តរជាតិ

ស្ថានីយ៍ប្រេងឥន្ធនៈ នៅទីក្រុង ហូជីមិញ បន្តប្រឈមមុខ នឹងការខ្វះខាតប្រេងសាំង សម្រាប់លក់

បរទេស៖ សារព័ត៌មាន VnExpress បានរកឃើញថា ស្ថានីយ៍ប្រេងឥន្ធនៈជាច្រើន នៅទីក្រុងហូជីមិញ បន្តប្រឈមមុខនឹងការខ្វះខាតប្រេង នៅក្នុងស្តុក។ ក្នុងរយៈពេលពីរថ្ងៃចុងក្រោយនេះ ស្ថានីយ៍ប្រេងឥន្ធនៈមួយ នៅមណ្ឌល Thanh Xuan ក្នុងសង្កាត់ 12 នៃទីក្រុងហូជីមិញ បានអះអាងថា អស់ ជាលើកទី១ហើយ ហើយបាននិងកំពុងបែងចែក ការលក់នៅសល់។

បុគ្គលិករបស់ស្ថានីយ៍ប្រេង បាននិយាយថា ការផ្គត់ផ្គង់មានក្នុងបរិមាណតិចតួច ក្នុងពេលតែមួយ។ ស្ថានីយ៍ប្រេងឥន្ធនៈជាច្រើនកន្លែង នៅលើផ្លូវជាតិលេខ 1A ក្នុងសង្កាត់លេខ 12 បានដាក់ស្លាកសញ្ញាថា អស់សាំង ហើយរង់ចាំរថយន្តដឹកប្រេងមកស្តុកវិញ។

ស្ថានីយ៍មួយចំនួន នៅក្នុងស្រុកដូចជា Go Vap និង 7 និង Thu Duc City ក៏បានដាក់សញ្ញាបែបនេះ ជាញឹកញាប់ដែរ។

លោក Le Van My អគ្គនាយកក្រុមហ៊ុន Hoc Mon Trading Joint Stock Company ដែលគ្រប់គ្រងស្ថានីយ៍ប្រេងឥន្ធនៈចំនួន 11 និងភ្នាក់ងារលក់រាយចំនួន 21 នៅក្នុងទីក្រុងបាននិយាយថា ការផ្គត់ផ្គង់មានកម្រិតទាបនៅពេលនេះ។

ស្ថានីយ៍ប្រេងឥន្ធនៈនីមួយៗ ធ្លាប់បែងចែកពី ៥ ០០០-១០ ០០០ លីត្រក្នុងមួយថ្ងៃ ប៉ុន្តែឥឡូវនេះទទួលបានត្រឹមតែ ១ ០០០-២ ០០០ លីត្រ ហើយពេលខ្លះទាបដល់ ៧០០ លីត្រ។

រោងចក្រចម្រាញ់ប្រេង Dung Quat បានបង្កើនសមត្ថភាពរបស់ខ្លួនពី ១០៣ ភាគរយដល់ ១០៥ ភាគរយចាប់តាំងពីថ្ងៃឈប់ សម្រាកបុណ្យចូលឆ្នាំថ្មីនៅដើមខែកុម្ភៈ។ ក្រសួងចង់ឲ្យវាដំណើរការ ក្នុងសមត្ថភាពអតិបរមា ដែលអាចធ្វើទៅបាន។

ទោះបីជាយ៉ាងណាក៏ដោយ រោងចក្រចម្រាញ់ប្រេង Dung Quat រំពឹងថាការផ្គត់ផ្គង់ និងតម្រូវការនឹងមានតុល្យភាព ក្នុងរយៈពេល ១០ ថ្ងៃខាងមុខក៏ដោយ ប៉ុន្តែអ្នកចែកចាយរំពឹងថាការខ្វះខាត នឹងបន្តព្រោះវានៅតែពិបាក សម្រាប់រោងចក្រចម្រាញ់ប្រេង របស់វៀតណាម ដើម្បីដំណើរការជាធម្មតា នៅពេលដែលការនាំចូលប្រេងឆៅយឺត ហើយមានការខ្វះខាត ជាសាកលដោយសារតែ វិបត្តិអ៊ុយក្រែន៕
ប្រែសម្រួលៈ ណៃ តុលា

To Top