ហ្វ្រាំងឡង់៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី៥ ខែឧសភា ឆ្នាំ២០២២ថា កាលពីថ្ងៃពុធឧទ្ធម្ភាគចក្រកងទ័ពរុស្ស៊ី១គ្រឿង បានហោះបំពានដែនអាកាស របស់ប្រទេសហ្វាំងឡង់ ក្រសួងការពារជាតិហ្វាំងឡង់ បានលើកឡើងដូច្នេះ ខណៈដែលប្រទេសនេះ កំពុងពិចារណាលើការដេញថ្លៃ សមាជិកភាពដ៏មានសក្តានុពល របស់អង្គការ សន្ធិសញ្ញាអាត្លង់ទិកខាងជើង រឹហៅកាត់ថា (NATO) ដែលខ្លួនសង្ឃឹមថា នឹងកាន់តែឆាប់រហ័ស ។
អ្នកនាំពាក្យក្រសួង បានប្រាប់ដល់ទីភ្នាក់ងារព័ត៌មាន AFP ថា “ប្រភេទយន្តហោះនេះគឺជាឧទ្ធម្ភាគចក្រ Mi-17 ហើយជម្រៅនៃការសង្ស័យថា មានការរំលោភបំពាន គឺប្រហែល ៤ទៅ៥គីឡូម៉ែត្រ” ។
ឧបទ្ទវហេតុនេះ បានកើតឡើងកាលពីថ្ងៃពុធ វេលាម៉ោង១០និង៤០នាទីព្រឹកម៉ោងក្នុងស្រុក ត្រូវនឹងម៉ោង៧និង៤០នាទីព្រឹកម៉ោងសកល ។
គួរបញ្ជាក់ថា នេះជាការរំលោភដែន អាកាសរុស្ស៊ីលើកទី២ នៅក្នុងឆ្នាំនេះ បន្ទាប់ពីកាលពីខែមេសាកន្លងទៅ ដែលពួកគេទាំង២ បានចូលមកក្រោយសង្គ្រាមនៅអ៊ុយក្រែន ។
យន្តហោះដឹកជញ្ជូនជនស៊ីវិល ដែលជាកម្មសិទ្ធិរបស់កងទ័ពរុស្ស៊ី បានចូលដែនអាកាសហ្វាំងឡង់មួយរយៈពេលខ្លីកាលពីថ្ងៃទី៨ មេសា ។
អ្នកជំនាញបានព្រមានថា ហ្វាំងឡង់ និងស៊ុយអែត ទំនងជាត្រូវទទួលរងនូវការជ្រៀតជ្រែកពីរុស្ស៊ី ខណៈដែលពួកគេពិចារណា ថាតើ ត្រូវចូលរួមជាមួយអង្គការ NATO ជាការរារាំងប្រឆាំងនឹងការឈ្លានពាន ពីប្រទេសជិតខាងភាគខាងកើត របស់ពួកគេ ៕
ប្រែសម្រួលដោយ៖ ម៉ៅ បុប្ផាមករា