បរទេស៖ រដ្ឋមន្ត្រីក្រសួងការពារជាតិ លោក Ben Wallace បានប្រកាសថា ចក្រភពអង់គ្លេស នឹងផ្គត់ផ្គង់ប្រព័ន្ធមីស៊ីលបាញ់រយៈចម្ងាយឆ្ងាយ ដល់ប្រទេសអ៊ុយក្រែន ដែលអាចវាយប្រហារគោលដៅចម្ងាយ ៨០គីឡូម៉ែត្រ (៥០ម៉ាយ)។
យោងតាមសារព័ត៌មាន RT ចេញផ្សាយនៅថ្ងៃទី៦ ខែមិថុនា ឆ្នាំ២០២២ បានឱ្យដឹងថា ការដឹកជញ្ជូននេះនឹងរួមមានកាំជ្រួច M270 ផលិតនៅអាមេរិកជាច្រើនគ្រឿង។ ចក្រភពអង់គ្លេសឈប់បង្ហាញចំនួនដែលខ្លួនគ្រោងនឹងផ្តល់។ ទោះយ៉ាងណាក៏ដោយ សារព័ត៌មាន BBC បានអះអាងកាលពីថ្ងៃចន្ទថា “វានឹងមានបីដំបូង” ។
លោក Wallace បានពន្យល់នៅក្នុង សេចក្តីថ្លែងការណ៍មួយថា “ប្រព័ន្ធរ៉ុក្កែតបាញ់ច្រើន ដែលមានសមត្ថភាពខ្ពស់ទាំងនេះ នឹងអាចឱ្យមិត្តភក្តិអ៊ុយក្រែន របស់យើង ការពារខ្លួនបានប្រសើរជាងមុន ប្រឆាំងនឹងការប្រើប្រាស់ កាំភ្លើងធំ រយៈចម្ងាយឆ្ងាយដ៏ខ្លាំង ដែលកងកម្លាំងរបស់លោកពូទីន បានប្រើប្រាស់ដោយមិនរើសអើង ដើម្បីកម្ទេចទីក្រុង” ។
រដ្ឋមន្ត្រីការពារជាតិអង់គ្លេសរូបនេះបានបន្ថែមថា នៅពេលដែលទីក្រុងម៉ូស្គូ “ផ្លាស់ប្តូរយុទ្ធសាស្ត្រ ដូច្នេះ គឺត្រូវតែគាំទ្ររបស់យើងចំពោះអ៊ុយក្រែន” ។ យោងតាមរដ្ឋាភិបាល ចក្រភពអង់គ្លេស ទាហានអ៊ុយក្រែននឹងត្រូវ បានហ្វឹកហ្វឺនក្នុងការប្រើប្រាស់ ប្រព័ន្ធមីស៊ីល M270 នៅក្នុងប្រទេសអង់គ្លេសនៅប៉ុន្មានសប្តាហ៍ខាងមុខ៕
ប្រែសម្រួលៈ ណៃ តុលា
