ព័ត៌មានអន្តរជាតិ

រដ្ឋមន្ត្រីការបរទេស អាមេរិក ប្តេជ្ញាថា នឹងដាក់សម្ពាធ ទៅលើរដ្ឋាភិបាល យោធាមីយ៉ាន់ម៉ា ខណៈមកបំពេញ ទស្សនកិច្ច នៅក្នុងទឹកដីថៃ

បាងកក៖ ទូរទស្សន៍សិង្ហបុរី Channel News Asia បានផ្សព្វផ្សាយ នៅថ្ងៃទី១១ ខែកក្កដា ឆ្នាំ២០២២ថា កាលពីថ្ងៃអាទិត្យ
លោក Antony Blinken រដ្ឋមន្ត្រីការបរទេស សហរដ្ឋអាមេរិក បានប្តេជ្ញាថា នឹងមិនបន្ធូរបន្ថយ ចំពោះការគាបសង្កត់ របបយោធាមីយ៉ាន់ម៉ានោះទេ ហើយបានថ្លែងថា ប្រទេសចិន គួរតែចុះសម្រុងគ្នា ខណៈដែលលោកបានជួបសកម្មជន ប្រជាធិបតេយ្យ ក្នុងដំណើរទស្សនកិច្ចទៅកាន់ប្រទេសថៃឡង់ដ៏ ដែលជាប្រទេសជិតខាងនោះ ។

លោក Blinken ក៏បានជួបជាមួយថ្នាក់ដឹកនាំ របស់ប្រទេសថៃឡង់ដ៏ និង បានកើតសរសើរ ចំពោះតួនាទី របស់ព្រះរាជាណាចក្រ ក្នុងការជំរុញជាថ្មី របស់សហរដ្ឋអាមេរិក នៅក្នុងតំបន់អាស៊ីអាគ្នេយ៍ ដែលជាតំបន់សំខាន់ នៃការប្រកួតប្រជែង ជាមួយនឹងប្រទេសចិន ។

នៅក្នុងកិច្ចប្រជុំ ដែលធ្វើឡើង ដោយបិទកាមេរ៉ា ដើម្បីការពារសមាជិកគ្រួសារ អ្នកការទូតកំពូល របស់សហរដ្ឋអាមេរិក បានឮពីសកម្មជនប្រជាធិបតេយ្យ វ័យក្មេងមកពីប្រទេសមីយ៉ាន់ម៉ា ដែលយោធា របស់ពួកគេ កាលពីខែកុម្ភៈ ឆ្នាំ២០២១ បានបណ្តេញចេញពីរដ្ឋាភិបាលស៊ីវិល ដោយបានផ្លាស់ប្តូរ របបប្រជាធិបតេយ្យ ដែលជាប់គាំងអស់រយៈពេល១ទសវត្សរ៍ ដែលបង្កើតឡើង ដោយទីក្រុងវ៉ាស៊ីនតោននោះ ។

លោក Blinken បានទទួលស្គាល់ថា យុទ្ធសាស្ត្រដាក់ទណ្ឌកម្ម របស់សហរដ្ឋអាមេរិក លើរបបយោធា មិនទាន់ទទួលបានផ្លែផ្កាទេ ប៉ុន្តែបានសន្យាថា ក្រុងវ៉ាស៊ីនតោន នៅតែផ្តោត ការយកចិត្តទុកដាក់ បើទោះបីជាខ្លួន បានដាក់អាទិភាព លើការប្រយុទ្ធប្រឆាំង នឹងការឈ្លានពាន របស់រុស្ស៊ីមកលើ អ៊ុយក្រែនក៏ដោយ ។

លោក Blinken បានប្រាប់ដល់អ្នកយកព័ត៌មានដោយប្រើប្រាស់ឈ្មោះអតីតប្រទេសភូមាថា “វាជាអកុសលមានសុវត្ថិភាពក្នុងការនិយាយថា យើងមិនបានឃើញចលនាវិជ្ជមានទេ ហើយផ្ទុយទៅវិញ យើងបន្តឃើញការគាបសង្កត់ប្រជាជនភូមាទៅវិញ” ។

លោកបានសង្កត់ធ្ងន់ថា “យើងនឹងបន្តស្វែង រកមធ្យោបាយ ដែលយើងអាចធ្វើបាន ហើយប្រទេសផ្សេងទៀត អាចដាក់សម្ពាធ យ៉ាងមានប្រសិទ្ធភាពលើពួកគេ ដើម្បីផ្លាស់ទីត្រឡប់ ទៅមាគ៌ាប្រជាធិបតេយ្យវិញ” ៕
ប្រែសម្រួលដោយ៖ ម៉ៅ បុប្ផាមករា

To Top