ព័ត៌មានអន្តរជាតិ

តម្លៃប្រេងធ្លាក់ចុះ ចំពេលមានការព្រួយបារម្ភ អំពីតម្រូវការ

ញូវយ៉ក៖ តម្លៃប្រេងបានធ្លាក់ចុះ កាលពីថ្ងៃចន្ទ ខណៈការព្រួយបារម្ភ ពីតម្រូវការ បានកើតឡើង នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។

West Texas Intermediate សម្រាប់ការចែកចាយ ខែកញ្ញាធ្លាក់ចុះ ៤,៧៣ ដុល្លារអាមេរិក ឬ ៤,៨ភាគរយ មកនៅ ៩៣,៨៩ដុល្លារក្នុងមួយបារ៉ែល នៅលើផ្សារហ៊ុន New York Mercantile Exchange។

ប្រេងឆៅប្រភេទ Brent សម្រាប់ចែកចាយនៅខែតុលា បានធ្លាក់ចុះ ៣,៩៤ ដុល្លារ ឬ ៣,៨ ភាគរយ មកបិទនៅតម្លៃ ១០០,០៣ដុល្លារ ក្នុងមួយបារ៉ែល នៅលើផ្សារហ៊ុន London ICE Futures Exchange ។

ប្រតិកម្មទីផ្សារខាងលើ បានកើតឡើងបន្ទាប់ពី ទិន្នន័យទន់ខ្សោយ ពីប្រទេសសេដ្ឋកិច្ចធំៗ បានជំរុញឱ្យមានការព្រួយបារម្ភថា ការធ្លាក់ចុះនៃកំណើនសេដ្ឋកិច្ចពិភពលោក នឹងប៉ះពាល់ដល់តម្រូវការថាមពល។

ផ្ទាំងពាណិជ្ជកម្ម

ទិន្នន័យបានបង្ហាញកាលពីថ្ងៃច័ន្ទថា សន្ទស្សន៍អ្នកគ្រប់គ្រង ការទិញចុងក្រោយ របស់ S&P Global សម្រាប់តំបន់ចាយប្រាក់អឺរ៉ូបានធ្លាក់ចុះ ក្រោមសញ្ញាសម្គាល់ ៥០ ក្នុងខែកក្កដា មកត្រឹម ៤៩,៨ ពី ៥២,១ ក្នុងខែមិថុនា។

នៅកន្លែងផ្សេងទៀត វិទ្យាស្ថានគ្រប់គ្រង ការផ្គត់ផ្គង់បានឲ្យដឹងថា រង្វាស់ដែលបានតាមដាន យ៉ាងដិតដល់ អំពីសកម្មភាពផលិតកម្ម របស់សហរដ្ឋអាមេរិក បានធ្លាក់ចុះមកត្រឹម ៥២,៨ ភាគរយនៅក្នុងខែកក្កដាពី ៥៣ ភាគរយកាលពីមួយខែមុន។ ខណៈពេលដែលការអានលើសពី ៥០ ភាគរយបង្ហាញពីការពង្រីក ការបោះពុម្ពចុងក្រោយបំផុតគឺទាបបំផុត ចាប់តាំងពីខែមិថុនា ឆ្នាំ២០២០។

ទន្ទឹមនឹងនេះ ពាណិជ្ជករបានងាកមកមើលអង្គការ នៃប្រទេសនាំចេញប្រេង និងសម្ព័ន្ធមិត្តរបស់ខ្លួន ដែលត្រូវបានគេស្គាល់ថាជា OPEC+ ខណៈដែលក្រុមនេះ ត្រូវបានគេរំពឹងថា នឹងជួបប្រជុំគ្នានៅចុងសប្តាហ៍នេះ ដើម្បីពិភាក្សាអំពីយុទ្ធសាស្ត្រ ទិន្នផលនាពេលអនាគត៕ ប្រែសម្រួល ឈូក បូរ៉ា

To Top