ព័ត៌មានអន្តរជាតិ

យន្តហោះចម្បាំងរុស្សី តាមប្រកៀកប្រដេញយន្តហោះ ស៊ើបការណ៍របស់អង់គ្លេស

បរទេស៖ ក្រសួងការពារជាតិរុស្សី កាលពីថ្ងៃម្សិលមិញនេះបានធ្វើការអះអាងថា យន្តហោះស៊ើបការណ៍មួយគ្រឿង របស់ចក្រភពអង់គ្លេស បានធ្វើការហោះហើររំលោភបំពាន ដែនអាកាសរបស់ខ្លួន នៅលើដែនសមុទ្រ Barents ក្បែរទៅនឹងតំបន់ Murmansk។

ប្រភពដដែលបានបញ្ជាក់ដែរថា ទោះបីជាយ៉ាងណាក្តីយន្តហោះចម្បាំង MiG-31 របស់រុស្សីបានធ្វើការហោះហើរ ទៅប្រកៀកប្រកិតយន្តហោះអង់គ្លេស ដើម្បីបណ្តេញយន្តហោះនេះ ចេញពីដែនអាកាសរបស់ខ្លួន។ យន្តហោះចម្បាំងរុស្សី បានហោះចេញពីមូលដ្ឋានទ័ព ដែលនៅក្បែរតំបន់កើតហេតុស្រាប់ Cape Svyatoy Nos ។

ផ្ទាំងពាណិជ្ជកម្ម

គួរឲ្យដឹងដែរថាហេតុការណ៍បែបនេះ បានកើតឡើងគឺជាលើកដំបូង ហើយដោយយន្តហោះរបស់ក្រុមសម្ព័ន្ធមិត្តណាតូ នៅក្នុងដែនអធិបតេយ្យភាពរបស់រុស្សី គិតចាប់តាំងតែពីជម្លោះ រវាងអ៊ុយក្រែន និងរុស្សី បានកើតឡើងតាំងតែពីខែកុម្ភៈ។

មុននោះបន្តិចរុស្សីក៏ធ្លាប់បានអះអាងដែរថា នាវាមុជទឹករបស់អាមេរិកមួយគ្រឿង ក៏បានធ្វើដំនើរចូលដល់ដែនទឹករបស់ខ្លួន ក្បែរទៅនឹងកោះ Kuril ភាគខាងជើងឈូងសមុទ្រប៉ាស៊ីហ្វិកផងដែរ ប៉ុន្តែត្រូវបានប្រដេញទៅវិញ ដោយកងកម្លាំងជើងទឹករបស់រុស្សី ខណៈដែលរដ្ឋាភិបាលវ៉ាស៊ិនតោន បានចេញមុខមកបដិសេធហេតុការណ៍នេះ៕ ប្រែសម្រួល៖ស៊ុនលី

To Top