គៀវ៖ មន្ត្រីវិមានក្រឹមឡាំង និងអ្នកឃោសនារបស់ប្រព័ន្ធផ្សព្វផ្សាយរដ្ឋ កំពុងទទួលស្គាល់ការបរាជ័យនាពេលថ្មីៗនេះរបស់រុស្ស៊ី នៅក្នុងតំបន់ Kharkiv ភាគខាងកើតនៃប្រទេសអ៊ុយក្រែន ក្នុងសកម្មភាពមួយសំដៅការពារប្រធានាធិបតីលោក វ្ល៉ាឌីមៀ ពូទីន ពីការទទួលខុសត្រូវ នេះបើយោងតាមវិទ្យាស្ថាន សម្រាប់ការសិក្សាសង្គ្រាម (ISW)។
ទីភ្នាក់ងារគិតគូរបស់សហរដ្ឋអាមេរិក បានសរសេរនៅក្នុងការវាយតម្លៃយុទ្ធនាការថ្ងៃទី១៣ ខែកញ្ញា របស់ខ្លួនថា វិមានក្រឹមឡាំង និងអ្នកជំនាញប្រព័ន្ធផ្សព្វផ្សាយរដ្ឋ ឥឡូវនេះកំពុង “ពិភាក្សាយ៉ាងទូលំទូលាយ” ថាហេតុអ្វីបានជារុស្ស៊ី កំពុងប្រឈមមុខនឹងការខាតបង់នៅក្នុងទីក្រុង Kharkiv ។
ISW បានសរសេរថា “ការទទួលស្គាល់របស់វិមានក្រឹមឡាំង ចំពោះការបរាជ័យនេះ គឺជាផ្នែកមួយនៃកិច្ចខិតខំប្រឹងប្រែង ដើម្បីកាត់បន្ថយ និងបង្វែរការរិះគន់ ចំពោះការបរាជ័យដ៏បំផ្លិចបំផ្លាញបែបនេះនៅឆ្ងាយពីប្រធានាធិបតីរុស្ស៊ីលោក វ្ល៉ាឌីមៀ ពូទីន និងទៅលើក្រសួងការពារជាតិរុស្ស៊ី (MoD) និងបញ្ជាការយោធាឯកសណ្ឋាន”។
ការវាយលុកដ៏គួរឱ្យភ្ញាក់ផ្អើលរបស់អ៊ុយក្រែននៅទីក្រុង Khariv បានកើតឡើងនៅពេលដែលការយកចិត្តទុកដាក់ត្រូវបានផ្តោតលើការជំរុញថ្មីមួយទៀត ដើម្បីដណ្តើមយកទឹកដីនៅក្នុងតំបន់ Kherson ភាគខាងត្បូងប្រទេស ដែលការខាតបង់របស់រុស្ស៊ីក៏ត្រូវបានរាយការណ៍ផងដែរ។
កាលពីចុងសប្តាហ៍កន្លងទៅ ឧត្តមសេនីយលោក Valeriy Zaluzhnyi មេបញ្ជាការយោធាអ៊ុយក្រែន បានឲ្យដឹងនៅក្នុងសារ Telegram ថា ទាហានអ៊ុយក្រែនបានរុញទៅចម្ងាយ ៥០ គីឡូម៉ែត្រ ប្រហែល ៣០ ម៉ាយ នៃព្រំដែនអ៊ុយក្រែន-រុស្ស៊ី ក្នុងទីក្រុង Kharkiv ។
ដំបូងឡើយ ក្រសួងការពារជាតិរុស្ស៊ីបានរាយការណ៍ព័ត៌មានអំពីការដកទ័ពរបស់រុស្ស៊ីនៅតំបន់នោះ ថាជាការប្រមូលផ្តុំកងកម្លាំងរបស់ខ្លួនឡើងវិញទៅកាន់តំបន់ Donetsk ភាគខាងកើត ទោះបីជាឯកអគ្គរដ្ឋទូតអ៊ុយក្រែន បានចំអកការពន្យល់នេះនៅលើ Twitter ជាមួយនឹងវីដេអូ ថាជាការបាក់ទ័ពក៏ដោយ៕
