អាមេរិក កំពុងពិចារណាផលិត នាវាមុជទឹកថាមពលនុយក្លេអ៊ែរ ឱ្យប្រទេសអូស្ត្រាលី ដើម្បីប្រឆាំងនឹងប្រទេសចិន

បរទេស៖ កាសែត Wall Street Journal បានរាយការណ៍កាលពីថ្ងៃសុក្រថា ចំពេលមានភាពតានតឹងកាន់តែខ្លាំងជាមួយប្រទេសចិន រដ្ឋបាលរបស់ប្រធានាធិបតីអាមេរិក Joe Biden កំពុងស្វែងរកការពន្លឿន ការផលិតនាវាមុជទឹកដើរដោយថាមពលនុយក្លេអ៊ែរ សម្រាប់ប្រទេសអូស្ត្រាលី ដោយការសាងសង់នាវា “ពីរបីដំបូង” នៅលើដីសហរដ្ឋអាមេរិក។

យោងតាមសារព័ត៌មាន RT ចេញផ្សាយនៅថ្ងៃទី២៤ ខែកញ្ញា ឆ្នាំ២០២២ បានឱ្យដឹងថា យោងតាមមន្ត្រីលោកខាងលិចដែលមិនបញ្ចេញឈ្មោះ កិច្ចព្រមព្រៀងដ៏មានសក្តានុពលលើបញ្ហានេះ ស្វែងរកការផ្តល់ឱ្យទីក្រុង Canberra នូវនាវាដើរដោយថាមពលនុយក្លេអ៊ែរ មួយចំនួននៅពាក់កណ្តាលទសវត្សរ៍ឆ្នាំ ២០៣០ ខណៈពេលដែលក៏បានដាក់មូលដ្ឋានគ្រឹះសម្រាប់ការផលិតនាវារយៈពេលវែង នៅក្នុងប្រទេសអូស្ត្រាលីផងដែរ។

ចេតនានេះត្រូវបានគេរាយការណ៍ថា កំពុងត្រូវបានត្រួតពិនិត្យដោយមន្ត្រីជាន់ខ្ពស់មកពីសហរដ្ឋអាមេរិក អូស្ត្រាលី និងចក្រភពអង់គ្លេស។ ប្រទេសទាំងបីគឺជាសមាជិករបស់ AUKUS ដែលជាកតិកាសញ្ញាសន្តិសុខមួយ ដែលត្រូវបានប្រកាសនៅក្នុងខែកញ្ញា ឆ្នាំ ២០២១។ ក្រៅពីការលើកកម្ពស់ “ឥណ្ឌូប៉ាស៊ីហ្វិកឱ្យមានសេរី និងបើកចំហ” វាក៏រំពឹងថានឹងផ្តល់ឱ្យអូស្ត្រាលីនូវនាវាមុជទឹក ដែលបំពាក់ដោយអាវុធ និងនុយក្លេអ៊ែរ ដូច្នេះការជំរុញកងនាវាចររបស់ខ្លួន សមត្ថភាពយ៉ាងខ្លាំង៕