វ៉ាស៊ីនតោន៖ ទីភ្នាក់ងារព័ត៌មានចិនស៊ិនហួ បានផ្សព្វផ្សាយនៅថ្ងៃទី១ ខែធ្នូ ឆ្នំា២០២២ថា លោក ប៊ីល គ្លីនតុន អតីតប្រធានាធិបតីសហរដ្ឋអាមេរិក បានថ្លែងកាលពីថ្ងៃពុធថា លោកបានធ្វើតេស្តវិជ្ជមានសម្រាប់ជំងឺកូវីដ-១៩ ។
លោក គ្លីនតុន វ័យ៧៦ឆ្នាំ បានបង្ហោះសារនៅបណ្តាញសង្គម Twitter ថា គាត់កំពុងមាន “រោគសញ្ញាស្រាល” ប៉ុន្តែកំពុងដំណើរការបានល្អ ខណៈដែលគាត់រវល់កិច្ចការនៅផ្ទះ ។
លោកបានទទួលបានការចាក់ថ្នាំបង្ការ និងដូសជំរុញរួចហើយ ដោយគាត់បានជំរុញឱ្យ “អ្នកគ្រប់គ្នាធ្វើដូចគ្នា ជាពិសេសនៅពេលដែលយើងផ្លាស់ចូលទៅខែរដូវរងា” ៕ ប្រែសម្រួលដោយ៖ ម៉ៅ បុប្ផាមករា
