ព័ត៌មានអន្តរជាតិ

កូរ៉េខាងជើង បាញ់មីស៊ីល ផ្លោងមួយគ្រាប់ ធ្លាក់ចូលក្នុងដែនទឹក នៃតំបន់សេដ្ឋកិច្ច ផ្ដាច់មុខរបស់ជប៉ុន

តូក្យូ ៖ រដ្ឋាភិបាលជប៉ុនបានឲ្យដឹង នៅថ្ងៃសុក្រនេះថា ប្រទេសកូរ៉េខាងជើង បានបាញ់បង្ហោះនូវអ្វីដែលហាក់ដូចជាកាំជ្រួច មីស៊ីលផ្លោង ដែលរដ្ឋាភិបាលជប៉ុន បានឲ្យដឹងនៅក្នុងអ្វី ដែលអាចជាការសាកល្បង អាវុធចុងក្រោយបំផុត ដែលកំពុងតែបង្កើន ភាពតានតឹងក្នុងតំបន់។

យោងតាមប្រភពពីរដ្ឋាភិបាលបានឱ្យដឹងថា កាំជ្រួចមីស៊ីលនេះ ត្រូវបានគេជឿថា បានធ្លាក់ក្នុងដែនទឹក នៅខាងក្រៅតំបន់សេដ្ឋកិច្ចផ្តាច់មុខ របស់ប្រទេសជប៉ុន ដោយគ្មានការខូចខាតរូបវ័ន្តពីវា ឬកម្ទេចកម្ទី របស់វាត្រូវបានបញ្ជាក់ឡើយ មកទល់ពេលនេះ។

យោធាកូរ៉េខាងត្បូងបានឲ្យដឹងថា ខ្លួនបានរកឃើញកាំជ្រួចផ្លោងរយៈចម្ងាយខ្លីចំនួនពីរគ្រាប់ ដែលត្រូវបានបាញ់ចេញពី Sunan ក្នុងតំបន់ Pyongyang នៅម៉ោងប្រហែល ៤ និង ៣០នាទី រសៀលនេះ។

អនុរដ្ឋមន្ត្រីក្រសួងការពារជាតិលោក Toshiro Ino បានប្រាប់អ្នកយកព័ត៌មានថា ប្រទេសជប៉ុនបានធ្វើការតវ៉ាជាមួយកូរ៉េខាងជើង តាមរយៈស្ថានទូតរបស់ខ្លួននៅទីក្រុងប៉េកាំង។

ការបាញ់បង្ហោះចុងក្រោយនេះ បានកើតឡើងបន្ទាប់ពីកូរ៉េខាងជើង បានបាញ់មីស៊ីលផ្លោងចំនួនពីរគ្រាប់ឆ្ពោះទៅកាន់សមុទ្រជប៉ុន កាលពីថ្ងៃអាទិត្យ ដែលបានធ្លាក់នៅខាងក្រៅតំបន់ EEZ របស់ប្រទេសជប៉ុនផងដែរ ។

ក្រុង​ព្យុងយ៉ាង​បាន​សាកល្បង​កាំជ្រួច ​មីស៊ីលផ្លោង​ដែល​បាន​បាញ់​សាកល្បង ​រួម​ទាំង​កាំជ្រួច​មីស៊ីលអន្តរទ្វីប​ក្នុង​ល្បឿន ​មិន​ធ្លាប់​មាន​ក្នុង​ឆ្នាំ​នេះ​ដើម្បី​ផ្គើន​នឹង​ដំណោះស្រាយ​របស់​ក្រុមប្រឹក្សា ​សន្តិសុខ​អង្គការសហប្រជាជាតិ​កន្លងមក ។

កាលពីថ្ងៃអង្គារ ប្រទេសកូរ៉េខាងជើង បានថ្កោលទោសការពិនិត្យឡើងវិញ របស់ប្រទេសជប៉ុន កាលពីសប្តាហ៍មុន នៃគោលការណ៍ណែនាំគោលនយោបាយ សន្តិសុខរយៈពេលវែងរបស់ខ្លួន ដែលបានដាក់ចេញនូវចេតនា របស់ប្រទេសនេះក្នុងការទទួលបានសមត្ថភាព ក្នុងការវាយប្រហារមូលដ្ឋានសត្រូវ ហើយកូរ៉េខាងជើង​បាន​ប្តេជ្ញា​ថា​ នឹងចាត់វិធានការ​យោធា​ដោយ​ម៉ឺងម៉ាត់ ដើម្បី​ការពារ​អធិបតេយ្យភាព​របស់ខ្លួន៕

To Top