ប៉េកាំង៖ ប្រទេសចិន បានបញ្ជូនផ្កាយរណបថ្មីមួយទៅកាន់ទីអវកាសដោយជោគជ័យពីមជ្ឈមណ្ឌលបាញ់បង្ហោះផ្កាយរណប Xichang នៅខេត្តស៊ីឈួន ភាគនិរតីនៃប្រទេសចិន នៅថ្ងៃសុក្រនេះ។
ផ្កាយរណបទូរគមនាគមន៍ APSTAR-6E ត្រូវបានបាញ់បង្ហោះដោយរ៉ុក្កែតត្រកូល Long March-2C ហើយបានចូលទៅក្នុងគន្លង ដែលបានគ្រោងទុកដោយជោគជ័យ។
ផ្កាយរណបនេះត្រូវបានប្រើជាចម្បងដើម្បីផ្តល់សេវាទំនាក់ទំនងឆ្លងកាត់កម្រិតខ្ពស់សម្រាប់តំបន់អាស៊ីអាគ្នេយ៍ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
គួរបញ្ជាក់ថា ការបាញ់បង្ហោះផ្កាយរណបទូរគមនាគមន៍ខាងលើនេះ គឺជាបេសកកម្មហោះហើរលើកទី៤៦០ នៃស៊េរីរ៉ុក្កែតត្រកូល Long March ៕
