គៀវ៖ អតីតឧត្តមសេនីយទោរបស់អាមេរិកលោក Ben Hodges បានឧ្យដឹងថា លោកមាន “មន្ទិល” ជុំវិញទំហំទាហានថ្មើរ ជើងថ្មីរបស់ប្រធានាធិបតីរុស្ស៊ី លោក វ្លាឌីមៀ ពូទីន។
ក្នុងខែកញ្ញា លោក ពូទីន បានទាមទារការចល័តមួយផ្នែក ដើម្បីពង្រឹងកងទ័ពរបស់គាត់ចំនួន ៣០ម៉ឺននាក់ បន្ទាប់ពីអ៊ុយក្រែនបានបើកការ វាយប្រហារតបតយ៉ាងខ្លាំងក្លា ដើម្បីឆ្លើយតបទៅនឹង “ប្រតិបត្តិការយោធាពិសេស” របស់វិមានក្រឹមឡាំង។ ចាប់តាំងពីពេលនោះមក វឌ្ឍនភាពត្រូវបានកំណត់លើភាគីទាំង សងខាងក្នុងកំឡុង ខែរដូវរងាដ៏អាក្រក់។
ដោយសារអាកាសធាតុក្តៅ ហើយអ៊ុយក្រែនត្រៀមទទួលឧបករណ៍ផ្សេងៗពីសម្ព័ន្ធមិត្តណាតូ ដូចជារថក្រោះ Abrams ពីសហរដ្ឋអាមេរិក និងរថក្រោះ Leopard ពីអាល្លឺម៉ង់ រុស្ស៊ីក៏កំពុងត្រៀមប្រយុទ្ធបន្ថែមទៀតផងដែរ។
មន្ត្រីអ៊ុយក្រែនមានការព្រួយបារម្ភកាន់តែខ្លាំងឡើងថា រុស្ស៊ីនឹងចាប់ផ្តើមការចល័តលើកទីពីរ ដោយបន្ថែមទាហានថ្មីរហូតដល់ ៥០ម៉ឺននាក់ទៅកាន់ជួរមុខ នេះបេីយោងតាមការចុះផ្សាយរបស់កាសែត Newsweek។
នៅក្នុងបទសម្ភាសន៍ជាវីដេអូជាមួយ Kyiv Post លោក Hodges បានលេីកឡេីងថា លោកមានការងឿងឆ្ងល់ថា ទាហានដែលបានចល័តថ្មីរបស់លោក ពូទីន នឹងឈានដល់ចំនួន ៥០ម៉ឺននាក់។
លោក Hodges បានបន្ថែមថា “គ្មានការសង្ស័យនោះទេ ប្រទេសរុស្ស៊ី កំពុងស្វែងរកសាកសពថ្មី ដើម្បីជំនួសមនុស្សរាប់ម៉ឺននាក់ ដែលត្រូវបានសម្លាប់កាលពីប៉ុន្មានខែមុន” ។ “ខ្ញុំពិតជាភ្ញាក់ផ្អើលប្រសិនបើពួកគេអាចទទួលបានសូម្បីតែពាក់កណ្តាលនៃចំនួន ៥០ម៉ឺននាក់ក៏ដោយ” ៕
