បរទេស ៖ ការិយាល័យឧត្តមស្នងការ អង្គការសហប្រជាជាតិ ទទួលបន្ទុកសិទ្ធិមនុស្ស (OHCHR) បានដឹងអំពីវីដេអូដែលបានលេចចេញនាពេលថ្មីៗនេះ ជាក់ស្តែងបង្ហាញ ពីការប្រហារជីវិត ទាហានរុស្ស៊ី ដែលបានចុះចាញ់ ដោយទាហានអ៊ុយក្រែន, នេះបើតាមអ្នកនាំពាក្យ របស់អង្គការឃ្លាំមើល អង្គការសហប្រជាជាតិ លោកស្រី Marta Hurtado បាននិយាយ ។
យោងតាសារព័ត៌មាន RT ចេញផ្សាយនៅថ្ងៃទី១០ ខែកុម្ភៈ ឆ្នាំ២០២៣ បានឱ្យដឹងថា លោកស្រី Hurtado បានប្រាប់សារព័ត៌មាន TASS នៅក្នុងសេចក្តីថ្លែងការណ៍មួយ កាលពីថ្ងៃសុក្រថា “យើងបានលើកឡើងពីការ ព្រួយបារម្ភអំពីការព្យាបាទ អ្នកទោសសង្រ្គាម រួមទាំងការចោទប្រកាន់ថា បានសម្លាប់អ្នកទោសសង្គ្រាមរុស្ស៊ី ដោយកងកម្លាំង ប្រដាប់អាវុធអ៊ុយក្រែន ជាមួយនឹងក្រសួងការពារជាតិ អ៊ុយក្រែន” ។
វីដេអូក្រាហ្វិក បានលេចឡើង នៅដើមសប្តាហ៍នេះ ដែលថតដោយ បុគ្គលប្រដាប់អាវុធនិយាយភាសាអ៊ុយក្រែន និងទាមទារចម្លើយពីបុរសបីនាក់ ក្នុងឯកសណ្ឋានយោធាដេកលើដី ។ ក្រោយពីបរាជ័យក្នុងការចង់បាន ចម្លើយពីពួកគេ បុរសនោះបានបាញ់បុរសម្នាក់ចំក្បាលច្រើនគ្រាប់។
បុរសម្នាក់ក្នុងចំណោមបុរស ដែលដេកដួលលើដីក៏មានឈាមនៅជុំវិញក្បាលដែរ ទំនងជាត្រូវគេបាញ់ សម្លាប់មុនពេលវីដេអូចាប់ផ្ដើម។ ទាហានអ៊ុយក្រែនម្នាក់ ទំនងជាព្យាយាមវែកញែកហេតុផលជាមួយខ្មាន់កាំភ្លើង ដោយចង្អុលបង្ហាញថា អ្នកចាប់ទីបីកំពុងកាន់គ្រាប់បែកដៃ។ ឃាតករបានបង្ហាញមុខរបស់គាត់យ៉ាងខ្លី នៅចុងបញ្ចប់នៃវីដេអូ ដោយបញ្ចប់វាដោយពាក្យស្លោកអាសអាភាស និងពាក្យស្លោក ‘Glory to Ukraine’ ដែលជាទូទៅត្រូវបានផ្សារ ភ្ជាប់ជាមួយនឹងអ្នក សហការណាស៊ី សម័យសង្គ្រាមលោកលើកទីពីរ ប៉ុន្តែត្រូវបានប្រើប្រាស់ យ៉ាងទូលំទូលាយនៅក្នុង អ៊ុយក្រែនបច្ចុប្បន្ន ៕
