ព័ត៌មានអន្តរជាតិ

ជប៉ុន បញ្ជូនយន្ដហោះរបស់ កងកម្លាំងស្វ័យការពារ ២គ្រឿងទៅកាន់ស៊ូដង់ ដើម្បីជម្លៀសពលរដ្ឋរបសលខ្លួន

តូក្យូ៖ ក្រសួងការពារជាតិបាននិយាយកាលពីថ្ងៃសៅរ៍ថា យន្តហោះរបស់កងកម្លាំង ស្វ័យការពារចំនួនពីរគ្រឿងទៀត បានចាកចេញទៅកាន់អាកាសយាន្ដដ្ឋាន Djibouti ខណៈដែលប្រទេសជប៉ុន កំពុងរៀបចំជម្លៀសប្រជាជនរបស់ខ្លួនចេញពីប្រទេសស៊ូដង់ ដែលជាកន្លែងដែលមានការប៉ះទង្គិចគ្នាផ្នែកយោធាកំពុងបន្ត។

 មន្ត្រីរដ្ឋាភិបាលម្នាក់បាននិយាយនៅមុននេះបន្តិចថា ពលរដ្ឋជប៉ុនសរុបចំនួន ៦៣នាក់ រួមទាំងបុគ្គលិកស្ថានទូត ស្ថិតនៅក្នុងប្រទេសស៊ូដង់ គិតត្រឹមថ្ងៃពុធកន្លងទៅ នេះបើយោងតាមការចុះផ្សាយរបស់ទីភ្នាក់ងារសារព័ត៌មានក្យូដូជប៉ុន។

 យន្តហោះដឹកជញ្ជូន C-2 និងយន្តហោះចាក់ប្រេងពីលើអាកាស KC-767 នឹងចូលរួមជាមួយយន្តហោះដឹកជញ្ជូន C-130 ដែលបានចាកចេញពីប្រទេសជប៉ុនកាលពីថ្ងៃសុក្រ ដើម្បីឈរជើងនៅ Djibouti ជាកន្លែងដែល SDF មានមូលដ្ឋានជាផ្នែកមួយនៃបេសកកម្មប្រឆាំងចោរសមុទ្រ នៅឈូងសមុទ្រនៃសមុទ្រ Aden ។

គួរបញ្ជាក់ថា ក្រសួង​បាន​បង្កើត​ក្រុម​ការងារ​មួយ​ ដើម្បី​អនុវត្ត​ការ​ជម្លៀស​ដែល​មាន​បុគ្គលិក​ប្រហែល ៣៧០ នាក់​មក​ពី​កងកម្លាំង​ស្វ័យការពារ​ដីគោក និង​អាកាស៕

ប្រែសម្រួល ឈូក បូរ៉ា

To Top