តូក្យូ៖ ក្រសួងរតនាគារសហរដ្ឋអាមេរិក បានឲ្យដឹងថា ខ្លួនបានដកប្រទេសជប៉ុន ចេញពីបញ្ជីដៃគូពាណិជ្ជកម្មសំខាន់ៗ ដែលខ្លួនត្រួតពិនិត្យ សម្រាប់ការអនុវត្តអត្រាប្តូរប្រាក់បរទេស ដែលមានសក្តានុពលជាលើកដំបូង ចាប់តាំងពីឆ្នាំ២០១៦ នៅពេលដែលទម្រង់បច្ចុប្បន្ន នៃការកំណត់បានចាប់ផ្តើម។
នៅក្នុងរបាយការណ៍ប្រចាំឆ្នាំ របស់ខ្លួនទៅកាន់សភា នាយកដ្ឋាន បានដកប្រទេសដែលមាន សេដ្ឋកិច្ចជឿនលឿនចំនួន៧ នៅក្នុងបញ្ជីត្រួតពិនិត្យរបស់ខ្លួន រួមមានចិន អាល្លឺម៉ង់ ម៉ាឡេស៊ី សិង្ហបុរី កូរ៉េខាងត្បូង ស្វីស និងតៃវ៉ាន់ នេះបើយោងតាមកាចុះផ្សាយ របស់ទីភ្នាក់ងារសារព័ត៌មានក្យូដូជប៉ុន។
ខណៈពេលដែលប្រទេសជប៉ុន បានធ្វើអន្តរាគមន៍ប្តូរប្រាក់បរទេសក្នុងខែកញ្ញា និងខែតុលាឆ្នាំមុន ក្នុងការប៉ុនប៉ងដើម្បីទប់ស្កាត់ ការធ្លាក់ថ្លៃយ៉ាងឆាប់រហ័សរបស់ប្រាក់យ៉េន ធៀបនឹងប្រាក់ដុល្លារអាមេរិក មន្ត្រីរតនាគារបានឲ្យដឹងនៅក្នុង សន្និសីទសារព័ត៌មានមួយថា មិនចាំបាច់បន្តការចុះបញ្ជីប្រទេសជា លក្ខណៈវិនិច្ឆ័យមួយដែលត្រូវបានប្រើប្រាស់នោះទេ វាគឺជាការបន្តអន្តរាគមន៍”។
ទោះជាយ៉ាងណាក៏ដោយ មន្ត្រីរូបនេះបានព្រមានថា អន្តរាគមន៍គួរតែត្រូវបានធ្វើឡើងតែក្នុង “កាលៈទេសៈពិសេសបំផុត” បន្ទាប់ពីមានការពិគ្រោះយោបល់ ជាមួយប្រទេសផ្សេងៗ។ នាយកដ្ឋាននេះ មិនបានចាត់តាំងដៃគូពាណិជ្ជកម្ម ណាមួយជាអ្នករៀបចំរូបិយប័ណ្ណ ដែលអាចបណ្តាលឱ្យមានការ ដាក់ទណ្ឌកម្មរបស់សហរដ្ឋអាមេរិក។
ប៉ុន្តែប្រភពបានឲ្យដឹងថា ប្រទេសចិន ត្រូវតែត្រូវបានត្រួតពិនិត្យយ៉ាងដិតដល់ ដោយកត់សម្គាល់នៅក្នុងរបាយការណ៍ថា កង្វះតម្លាភាពរបស់ទីក្រុងប៉េកាំង ទាក់ទងនឹងលក្ខណៈសំខាន់ៗ នៃប្រព័ន្ធប្តូរប្រាក់បរទេសរបស់ខ្លួនធ្វើឱ្យវា “លើសពីសេដ្ឋកិច្ចក្នុងចំណោមប្រទេសធំៗ” ៕
ប្រែសម្រួល ឈូក បូរ៉ា
