នយោបាយ

លោក កឹម សុខា នៅតែមិនទាន់ បញ្ចេញសារនយោបាយ ក្រោយជួបទូត៧

ភ្នំពេញ ៖ នាថ្ងៃទី១៤ ខែវិច្ឆិកា ឆ្នាំ២០១៩នេះ គឺជាថ្ងៃទី៤ហើយ ដែលលោក កឹម សុខា បានជួបឯកអគ្គរដ្ឋទូត មហាអំណាចប្រចាំកម្ពុជាចំនួន៧ តែក្នុងពេលជួបនេះ លោកមិនបានបញ្ចេញសារនយោបាយអ្វី មកកាន់សាធារណជននៅឡើយទេ។

អង្គទូតដែលលោក កឹម សុខា បានជួបរួមមាន ៖ អាមេរិក បារាំង អូស្រ្តាលី ជប៉ុន អាល្លឺម៉ង់ ទូតEU និងអង់គ្លេស ។

លោក មុត ចន្ថា អ្នកនាំពាក្យ ក្រោយជំនួបជាមួយអង្គទូតនានា លើកឡើងថា រាល់ជំនួប គឺទូតតែងតែសួរសុខទុក្ខ ពីសុខភាពលោក កឹម សុខាប៉ុណ្ណោះ ដោយមិនបាននិយាយអ្វីផ្សេងពីនេះឡើយ ។

សម្រាប់ជំនួបជាមួយលោកស្រី ទីណា រេដស័រ ឯកអគ្គរាជទូត ចក្រភពអង់គ្លេសប្រចាំកម្ពុជា នាព្រឹកថ្ងៃទី១៤ ខែវិច្ឆិកា ឆ្នាំ២០១៩នេះ លោក មុត ចន្ថា ឆ្លើយតបទៅសំណួរអ្នកកាសែតថា ដូចរាល់ដង លោក កឹម សុខា មិនបានបញ្ចេញសារនយោបាយអ្វីទេ។

លោកថា អ្វីដែលជជែកច្រើន គឺការសួរសុខទុក្ខ ក្នុងនាមអ្នកការទូតប៉ុណ្ណោះ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top