ភ្នំពេញ ៖ ដោយអនុវត្តន៍តាមបទបញ្ជាដ៏ម៉ឺងម៉ាត់ របស់ស្នងការនគរបាលរាជធានីភ្នំពេញ កម្លាំងនគរបាលខណ្ឌដូនពេញ ដឹកនាំដោយលោកទៀង ច័ន្ទសារ ជាអធិការ បានឃាត់ខ្លួនស្រ្តី ម្នាក់ កាលពីវេលាម៉ោង១និង៣០នាទីរសៀលថ្ងៃទី១០ ខែមករា ឆ្នាំ២០២០ ស្ថិតនៅចំណុចផ្លូវរថភ្លើង ក្តាន់ពីរ ក្រុម៣៩ ភូមិ៣ សង្កាត់ស្រះចក ខណ្ឌដូនពេញ ។
អធិការរងនគរបាលខណ្ឌដូនពេញ ទទួលផែនគ្រឿងញៀន លោកម៉ៅ ចាន់ថុន បានឲ្យដឹងថា ជនសង្ស័យមានឈ្មោះជា ណារី ហៅ អារី ភេទស្រី អាយុ៣១ឆ្នាំ ជនជាតិខ្មែរ មុខរបរនឹងទីលំនៅមិនពិតប្រាកដ(ជួញដូរ) ។
លោកអធិការរង បានបន្តថា ក្រោយឃាត់ខ្លួន កម្លាំងរបស់លោក បានដកវត្ថុតាងរួមមាន
១/ក្រាមពណ៌សរថ្លា សង្ស័យជាគ្រឿងញៀន ចំនួន០៥កញ្ចប់, ២/ថង់សំរាប់ច្រកគ្រឿងញៀន មួយចំនួនធំ, ៣/ទុយោជ័រព៌ណស្វាយ ចំនួនមួយ, ៤/ដែកកេះព៌ណក្រហមចំនួនមួយ,
៥/ឧបករណ៍ប្រើប្រាស់គ្រឿងញៀន ។
បច្ចុប្បន្នស្ត្រីសង្ស័យ ត្រូវបានឃុំខ្លួនបណ្តោអាសន្ន និងសាកសួរ នៅអធិការដ្ឋាន នគរបាលខណ្ឌដូនពេញ ដើម្បីកសាងសំណុំរឿង បញ្ជូនទៅកាន់សាលាដំបូងរាជធានីភ្នំពេញ ចាត់ការតាមផ្លូវច្បាប់ ៕
