ព័ត៌មានជាតិ

លោកផៃ ស៊ីផាន អះអាងថា កម្ពុជាមិនទាន់មានជំងឺរលាកសួត ចម្លងដោយ វីរុសកូរ៉ូណា

ភ្នំពេញ ៖ ក្រោយពីជំងឺរលាកសួត ចម្លងដោយវីរុសកូរ៉ូណា ប្រភេទថ្មី (2019-nCoV) បានរីករាលក្នុងប្រទេសមួយចំនួនមក លោក ផៃ ស៊ីផាន អ្នកនាំពាក្យ រាជរដ្ឋាភិបាល បានថ្លែងថា រហូតមកដល់ពេលនេះ កម្ពុជាមិនទាន់មាន ជំងឺរលាកសួត ប្រភេទថ្មីនេះឡើយ ខណៈកម្ពុជា មានវិធានទប់ស្កាត់គ្រប់ពេលវេលា។

បច្ចុប្បន្ននេះ ជំងឺរលាកសួត ចម្លងដោយវីរុសកូរ៉ូណា បានឆ្លងទៅដល់ប្រទេសមួយចំនួន រួមមាន ៖ អាមេរិក ,អូស្ត្រាលី , កាណាដា ,បារាំង ,នេប៉ាល់ ,ជប៉ុន ,សិង្ហបុរី ,កូរ៉េខាងត្បូង ,តៃវ៉ាន់ ,ថៃ ,វៀតណាម និងម៉ាឡេស៊ី។ ខណៈប្រជាជនចិន បានស្លាប់៨០នាក់ដោយសារជំងឺរលាកសួត ចម្លងដោយ វីរុសកូរ៉ូណា។

ក្នុងសន្និសីទសារព័ត៌មាន ស្តីពី វឌ្ឍនភាពក្រសួងបរិស្ថាន និងបច្ចុប្បន្នភាពនៃស្ថានភាព គុណភាពខ្យល់នៅកម្ពុជា នៅ ថ្ងៃទី២៧ ខែមករា ឆ្នាំ២០២០ មានប្រសាសន៍ថា «ប្រទេសយើងមិនទាន់មាន ជំងឺរលាកសួត ចម្លងដោយ វីរុសកូរ៉ូណា នេះទេ»៕

ដោយ ៖ អេង ប៊ូឆេង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top