កោះកុង៖ លោក ហាក់ ឡេង អភិបាលស្រុកបូទុមសាគរ នៅរសៀលថ្ងៃទី២ខែមេសាឆ្នាំ២០២០ បានពាំនាំ នូវអំណោយសប្បុរសជនជូនរដ្ឋបាលខេត្តកោះកុង ដើម្បីទ្រទ្រង់នូវជីវភាពកងទ័ពដែលឈរជើងការពារ ខ្សែបន្ទាត់ព្រំដែនកម្ពុជា.ថៃ។
អំណោយសប្បុរសជនទាំងអស់មាន :
១-អង្ករ២៥បាវ ១បាវទម្ងន់៥០គីឡូក្រាម
២-មីម៉ាម៉ា ចំនួន១៦កេះធំនិង៧កេះតូច
៣-ទឹកក្រូច ចំនួន២០កេះ
៥-ទឹកសុទ្ធចំនួន២០០យួរ
៦-ទឹកត្រីចំនួន១០០ យួរ
៧-ទឹកសុីអីុវចំនួន១០០យួរ
៨-ថវិកាចំនួន១០,៧៨០,០០០រៀល។
លោក ហាក់ ឡេង អភិបាលស្រុកបូទុមសាគរ បានឲ្យដឹងថា : អំណោយដែលអាជ្ញាធរស្រុកបូទុមបាន ផ្តល់ជូនរដ្ឋបាលខេត្តនេះគឺជាអំណោយសប្បុរសជនចំនួន៤ឃុំ របស់ស្រុកបូទុមសាគរ ដែលបងប្អូនយើងមានការយកចិត្ត ទុកដាក់លើកងកម្លាំងប្រដាប់អាវុធដែលឈរជើងយ៉ាង រឹងមាំដែលកាតព្វកិច្ចការពារទឹកដីការពារប្រជាពលរដ្ឋ ដែលឈរជើងនៅតាមខ្សែបន្ទាត់ព្រំដែនកម្ពុជា.ថៃ។
លោកអភិបាលស្រុកបានថ្លែងបន្តថា អំណោយទាំងអស់នេះគឺយើងយកមកជូនរដ្ឋបាលខេត្តដើម្បីទុកឲ្យលោក ស្រី មិថុនា ភូថង អភិបាលខេត្តនៅពេលលោកស្រីអញ្ជើញចុះសួរសុខទុកកងទ័ពការពារខ្សែបន្ទាត់ព្រំដែនក្នុងឱកាសបុណ្យចូលឆ្នាំប្រពៃណីខែ្មរនិងជិតឈានចូលមកដល់ នាពេលខាងមុខនេះ ។
លោកបានបន្តថា អំណោយសប្បុរសជននេះគឺជាសិល្ប:ចែករំលែកទោះតិចក្តីច្រើនក្តីក្នុងនាម បងប្អូនពលរដ្ឋខ្មែរនៅតែនឹងឃើញនិងគាំទ្រ វិស័យកងទ័ពជានិច្ច ហើយសមរភូមិជួរមុខនិងពលរដ្ឋជាសមរភូមិក្រោយគឺនៅជាប់គ្នាជានិច្ចដោយមិនអាចបែក បានដូច្នេះស្មាប្រកៀស្មាសាមគ្គីគ្នាដើម្បីរួមគ្នាការពារទឹកដី ការពារជាតិមាតុភូមិ ដែលមានសម្តេចតេជោ ហ៊ុ សែន នាយករដ្ឋមន្ត្រីនៃកម្ពុជា ជាអ្នកដឹកនាំដ៍ឆ្លាសវៃ មានភាពល្បីល្បាយ នៅលើឆាកអន្តរជាតិ៕
