ព័ត៌មានជាតិ

សភា កំពុងពិនិត្យ សេចក្តីព្រាងច្បាប់ស្តីពី ការគ្រប់គ្រងប្រទេសជាតិ ក្នុងភាពអាសន្ន

ភ្នំពេញ៖ គណៈកម្មាធិការអចិន្ត្រៃយ៍រដ្ឋសភា នៃព្រះរាជាណាចក្រកម្ពុជា នៅព្រឹកថ្ងៃទី៩ ខែមេសា ឆ្នាំ២០២០នេះ បានបើកកិច្ចប្រជុំក្រោមអធិបតីភាព ដ៏ខ្ពង់ខ្ពស់ សម្ដេចអគ្គមហាពញាចក្រី ហេង សំរិន ប្រធានរដ្ឋសភា ដើម្បីពិនិត្យសុំបញ្ចូល ក្នុងរបៀបវារៈសម័យប្រជុំរដ្ឋសភា លើកទី៤ នីតិកាលទី៦ នូវសេចក្តីព្រាងច្បាប់ស្តីពី ការគ្រប់គ្រងប្រទេសជាតិ ក្នុងភាពអាសន្ន ។

អង្គប្រជុំបានធ្វើការពិភាក្សា និងអនុម័តតាមរបៀបវារៈ ដោយមានលទ្ធផលដូចខាងក្រោម៖ ១- ការពិនិត្យសុំបញ្ចូលក្នុងរបៀបវារៈសម័យប្រជុំរដ្ឋសភា លើកទី៤ នីតិកាលទី៦ នូវ សេចក្តីព្រាងច្បាប់ស្តីពី ការគ្រប់គ្រងប្រទេសជាតិ ក្នុងភាពអាសន្ន។ ២- ការពិនិត្យសមាសភាពលេខាធិការ សម័យប្រជុំរដ្ឋសភាលើកទី៤ នីតិកាលទី៦ ចំនួន ៣រូប៖ លោក គោសុំសារឿត លោកស្រី អ៊ុន សុគន្ធា និងលោក ចេវ គឹមហេង។ ៣- ការពិនិត្យ និងសម្រេចសេចក្តីព្រាងរបៀបវារៈ ទី៣ ទី៤ ទី៥ និងកាលបរិច្ឆេទបន្តសម័យប្រជុំ លើកទី៤ នីតិកាលទី៦ ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top