ភ្នំពេញ ៖ ដើម្បីធានានូវប្រសិទ្ធភាព ការងាររបស់ការិយាល័យ ទាំង ១៥ នៃបញ្ជាការដ្ឋាន កងទ័ពជើងគោក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិតិ្តព្រឹទ្ធបណ្ឌិត បានឧបត្ថម្ភ រថយន្តម៉ាក Mazda BT 50 2020 ចំនួន១៥គ្រឿង តាមរយៈឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរៈភូមិន្ទ មេបញ្ជាការកងទ័ពជើងគោក ។
សូមបញ្ជាក់ថា ពិធីប្រគល់ និងទទួលរថយន្ត ដែលជាអំណោយដ៏ថ្លៃថ្លា របស់សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត បានធ្វើឡើងនៅថ្ងៃទី២១ ខែមេសា ឆ្នាំ២០២០ នៅបញ្ជាការដ្ឋានកងទ័ពជើងគោក ក្រោមវត្តមានឧត្តមសេនីយ៍ឯក ហ៊ុន ម៉ាណែត និងនាយការិយាល័យទាំង១៥ នៃបញ្ជាការដ្ឋាន កងទ័ពជើងគោក ព្រមទាំងនាយទាហាន ជាច្រើនរូបទៀត ៕
