ព័ត៌មានជាតិ

អាវុធហត្ថរាជធានីភ្នំពេញ ទទួលបានការឧបត្ថម្ភជែលលាងដៃពី ក្រុមហ៊ុនសារ៉ាយ៉ា ខេមបូឌា ចំនួន ២០០កេស

ភ្នំពេញ៖ នារសៀលថ្ងៃទី៣ ខែកញ្ញា ឆ្នាំ២០២០ ក្រុមហ៊ុនសារ៉ាយ៉ា ខេមបូឌា ដែលមាន លោក កែវ សម្បត្តិ និង លោក ដៀន វិជ្ជា ជាតំណាងក្រុមហ៊ុន បានប្រគល់ជែលលាងដៃសម្លាប់មេរោគ ចំនួន ២០០កេស ស្មើនឹង ៣៥០០ដប ជូនដល់អង្គភាព កងរាជអាវុធហត្ថរាជធានីភ្នំពេញ សម្រាប់ទុកជាប្រយោជន៍ ប្រើប្រាស់ក្នុងអង្គភាព ក៏ដូចជាចែកជូនដល់កងកម្លាំង ទុកប្រើប្រាស់ ពេលចេញបំពេញបេសកកម្ម។

ពិធីនេះប្រព្រឹត្តទៅ នៅក្នុងបញ្ជាការដ្ឋាន កងរាជអាវុធហត្ថរាជធានីភ្នំពេញ ។

ក្នុងឱកាសនោះ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ ក៏បានប្រគល់លិខិតថ្លែងអំណរគុណ ជូនដល់ ក្រុមហ៊ុនសារ៉ាយ៉ា ខេមបូឌា ដែលមានទឹកចិត្តស្រលាញ់គាំទ្រកងរាជអាវុធហត្ថ និងចូលរួមឧបត្ថម្ភ ដូចខាងលើនេះ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top