ព័ត៌មានជាតិ

ជូតម៉ូតូនៅក្រោមផ្ទះ ពេលមេឃកំពុងភ្លៀង ត្រូវរន្ទះបាញ់ស្លាប់ នៅស្រុកក្រគរ!

ពោធិសាត់ ៖ ជនរងគ្រោះម្នាក់ ត្រូវបានរន្ទះបាញ់ស្លាប់ បាត់បង់ជីវិតភ្លាមៗ នៅនឹងក្រោមផ្ទះរបស់ខ្លួន ខណះដែលជនរងគ្រោះនោះ កំពុងជូតម៉ូតូជាមួយប្រពន្ធ និងកូននៅក្រោមផ្ទះ ពេលមេឃកំពុងភ្លៀង កាលពីវេលាម៉ោង១៥៖៣០នាទីថ្ងៃទី ០៣ ខែ តុលា ឆ្នាំ ២០២០ស្ថិតនៅភូមិបឹងស្មុគ្រ ឃុំស្វាយស ស្រុកក្រគរ ខេត្តពោធិសាត់។

តាមរបាយការណ៍ របស់នគរបាលមូលដ្ឋាន បានអោយដឹងថា មុនពេលកើតហេតុ គឺមេឃកំពុងតែធ្លាក់ភ្លៀង ហើយក្រោយមកមេឃក៍រៀង ថមថយភ្លៀងបន្តិច តែនៅមានរលឹមស្រឹចៗ លាយឡំខ្យល់ផ្គរលាន់ និងផ្លេកបន្ទោរផងដែរ ហើយជនរងគ្រោះរួម និងប្រពន្ធនិងកូនតូចម្នាក់ នៅក្រោមផ្ទះជាមួយគ្នា ហើយជនរងគ្រោះនិងប្រពន្ធ ក៍បាននាំគ្នាជូតម៉ូតូ ក៍ត្រូវរន្ទះបាញ់ស្លាប់តែម្តង ដោយឡែកប្រពន្ធ និងកូនតូចម្នាក់ទៀត មិនមានរងរបួសអ្វីនោះឡើយ ។

របាយការណ៍ដដែល ក៍បានអោយដឹងទៀតថា ជនរងគ្រោះដែលត្រូវរន្ទះបាញ់ បណ្តាលអោយស្លាប់បាត់បង់ជីវិតនោះ មានឈ្មោះភ្នំ ជលសា អាយុ ២៣ ឆ្នាំរស់នៅក្នុងភូមិបឹងស្មុគ្រ ឃុំស្វាយស ស្រុកក្រគរ ខេត្តពោធិសាត់ ។

ក្រោយពិនិត្យនិងធ្វើកោសល្យវិច័យ របស់សមត្ថកិច្ចនគរបាលជំនាញបញ្ជាក់ថា ជនរងគ្រោះពិតជាស្លាប់ ដោយសារករណីរន្ទះបាញ់ពិតប្រាកដមែន ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top