ព័ត៌មានជាតិ

អគ្គនាយក ធនាគារអភិវឌ្ឍន៍ជនបទ និងកសិកម្ម ចុះពិនិត្យស្ថានភាព សង្វាក់ផលិតកម្ម រោងម៉ាស៊ីនកិនស្រូវ អង្ករ ខេត្តបាត់ដំបង

ភ្នំពេញ៖ លោក កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃធនាគារ​អភិវឌ្ឍន៍ជនបទ និងកសិកម្ម នៅថ្ងៃទី១៩ ខែតុលា ឆ្នាំ២០២០ បានចុះពិនិត្យមើល​ សង្វាក់ផលិតកម្ម កិន កែច្នៃស្រូវ អង្ករ និងត្រួតពិនិត្យមើល ទីតាំងឃ្លាំងស្តុកស្រូវ ចំនួន ២០០ ០០០តោន និងឡសំងួតស្រូវ ខ្នាត ៣០០០តោន ក្នុងមួយថ្ងៃ ដែលស្ថិតក្នុង​គម្រោងហិរញ្ញប្បទានពិសេស របស់រាជរដ្ឋាភិបាល ក្នុងការសាងសង់​ឡសំងួត និងឃ្លាំងស្តុកស្រូវ-អង្ករ ដែលផ្តល់ជូនធនាគារស្រូវ (កម្ពុជា) ភីអិលស៊ី តាមរយៈធនាគារ អភិវឌ្ឍន៍ជនបទ និងកសិកម្ម។

ឆ្លៀតក្នុងឱកាសនោះ លោក កៅ ថាច ក៏បានធ្វើការស្នើសុំទៅកាន់ លោកបណ្ឌិតឱកញ៉ា ភូ ពុយ ជួយទិញ និងបន្តទិញស្រូវ ពីបងប្អូនប្រជាកសិករ ដោយតំលៃសមរម្យ អោយអស់ពីលទ្ធភាព ទោះបីគុណភាពស្រូវល្អ ឬមិនសូវល្អ ជាពិសេសស្រូវសើម ដោយសារ ជំនន់ទឹកភ្លៀង ក្នុងសប្តាហ៍កន្លងមកនេះផងដែរ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top