ព័ត៌មានជាតិ

សម្ដេចតេជោបង្កើត Channel Telegram ដើម្បីផ្ដល់ព័ត៌មានកាន់តែឆាប់ ដល់ប្រជាពលរដ្ឋ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបង្កើត Channel Telegram ជាផ្លូវការ ដើម្បីផ្ដល់ព័ត៌មានជូនពលរដ្ឋកាន់តែលឿន និងសំបូរបែប។

Channel Telegram ផ្លូវការរបស់សម្ដេចតេជោ មានឈ្មោះ Prime Minister Hun Sen ដែលមានតំណលីង https://t.me/spmhunsen បង្កើតនៅថ្ងៃទី៣ ខែឧសភា ឆ្នាំ២០២២ និងបានបង្ហោះនូវព័ត៌មានមួយចំនួន ពីសកម្មភាពសម្ដេចរួចផងដែរ។ នេះបើតាមព័ត៌មានដែលក្រុមការងារ ទូរទស្សន៍ជាតិកម្ពុជា បានទទួលដោយផ្ទាល់ពីនាយករដ្ឋមន្ត្រីកម្ពុជាសម្តេចតេជោ ហ៊ុន សែន នៅយប់ថ្ងៃសៅរ៍ ទី៧ ខែឧសភា។

លោកអ្នកអាចចុចលើតំណខាងលើ រួចចុចពាក្យថា Join ដើម្បីទទួលបានព័ត៌មានថ្មីៗពី channel របស់សម្តេចតេជោនាយករដ្ឋមន្ត្រី។ គួរឱ្យដឹងថា បច្ចុប្បន្នសម្ដេចតេជោ បានប្រកាសពីបណ្ដាញសង្គមចំនួន២ជាផ្លូវការដែលមាន Facebook Page សម្រាប់បង្ហោះនូវកិច្ចការងាររបស់សម្ដេច និងInstagram ដែលសម្រាប់បង្ហោះពីសកម្មភាពផ្ទាល់ខ្លួនរបស់សម្ដេច និងក្រុមគ្រួសារ៕

To Top