Breaking: អ្នកសង្កេតការណ៍ជាតិ អះអាងខ្លួន មិនមានរងការគំរាមកំហែង ពីគណបក្សកាន់អំណាច រឺរាជរដ្ឋាភិបាល លើសេចក្តីរាយការណ៍ នៃការសង្កេតការណ៍របស់ខ្លួន នោះទេ ប៉ុន្តែអ្វីដែលខ្លួនធ្វើ គឺដោយឯករាជ្យ ។
ឆ្លើយតបទៅនឹងសំណួរ លោក សយ សុភា និពន្ធនាយកសារព័ត៌មានដើមអម្ពិល ថា តើអស់លោក ដែលជាអ្នកសង្កេតការណ៍ជាតិ មានទទួលរងនូវការគំរាមកំហែង រឺបំភិតបំភ័យ ពីគណបក្សកាន់អំណាច និងរាជរដ្ឋាភិបាល លើសេចក្តីរាយការណ៍របស់ខ្លួន ឱ្យនិយាយល្អៗពីបរិយាកាសបោះឆ្នោត ដែរឬយ៉ាងណា ?
លោក ស្រី សំបូរ ប្រធានអង្គការបញ្ញាមូលនិធិអប់រំ មកពីខេត្តសៀមរាប បានអះអាងថា លោកបានបំពេញការងារជាអ្នកសង្កេតការណ៍ជាតិ ចាប់តាំងពីឆ្នាំ២០០៣មក គឺមិនដែលមានការគំហែង រឺបំភិតបំភ័យ លើសេចក្តីរាយការណ៍របស់ខ្លួន ឱ្យនិយាយសរសើរពីការបោះឆ្នោតនោះទេ។ “យើងបានឃើញផ្ទាល់នឹងភ្នែក ហើយយើងរាយការណ៍អ្វីដែលយើងបានឃើញ ល្អគឺថា ល្អ មិនល្អគឺមិនល្អ”។
នៅក្នុងសន្និសីទសារព័ត៌មាន ស្តីពីការបោះឆ្នោតជ្រើសរើស ក្រុមប្រឹក្សាឃុំសង្កាត់ អាណត្តិទី៥ ដោយក្រុមអ្នកសង្កេតការណ៍ជាតិ នាល្ងាចថ្ងៃ ទី៦ ខែមិថុនា ឆ្នាំ២០២២ នាសណ្ឋាគារ Hyatt។
