ព័ត៌មានជាតិ

អគារទីស្ដីការថ្មី ក្រសួងមហាផ្ទៃ ចំណាយជាង ៦០លានដុល្លារ សាងសង់បាន៦៩ភាគរយ

ភ្នំពេញ ៖ ដំណើរការសាងសង់អគារ ទីស្ដីការថ្មី របស់ក្រសួងមហាផ្ទៃ គិតមកទល់ពេលនេះ សម្រេចបាន ៦៩ភាគរយហើយ ។

នាឱកាស សម្ដេច ស ខេង រដ្ឋមន្រ្តីក្រសួងមហាផ្ទៃ ដឹកនាំកិច្ចប្រជុំស្ដាប់របាយការណ៍ ស្ដីពីការសាងសង់ទីស្ដីការក្រសួងមហាផ្ទៃ នៅព្រឹកថ្ងៃ១៤ កក្កដានេះ សម្តេចបានណែនាំឲ្យក្រុមហ៊ុន បង្កើនការយកចិត្តទុកដាក់ សាងសង់អគារឲ្យមានគុណភាព និងប្រើប្រាស់បានយូរអង្វែង ក្នុងនោះត្រូវយកចិត្តទុក ដាក់រៀបចំប្រព័ន្ធភ្លើង ទឹកឲ្យមានសុវត្ថិភាព និងត្រឹមត្រូវតាមស្តង់ដាបច្ចេកទេស។

សូមបញ្ជាក់ថា អគារថ្មីនៃទីស្ដីការក្រសួងមហាផ្ទៃនេះ មានកម្ពស់៩ជាន់ បណ្ដោយជាង១៥០ម៉ែត្រ និងទទឹងជាង៨០ម៉ែត្រ ស្ថិតក្នុងបរិវេណទីតាំងចាស់ ដោយចំណាយថវិការដ្ឋ ជាង៦០លានដុល្លារ ក្នុងនោះ មានកន្លែងការងារ សម្រាប់មន្ត្រីប្រមាណ៨ ៥០០នាក់ និងកន្លែងចតយានយន្ត៣៣០គ្រឿង៕

To Top