នយោបាយ

ភាពតានតឹងនៅកោះតៃវ៉ាន់ ៖ រដ្ឋមន្រ្តីការ បទេសអាមេរិក បញ្ជាក់ការគោរព គោលការណ៍ ចិនតែមួយ , មិនគាំទ្រ កោះតៃវ៉ាន់ ប្រកាសឯករាជ្យ

ភ្នំពេញ ៖ លោក Antony J. Blinken រដ្ឋមន្រ្តីការបរទេសសហរដ្ឋអាមេរិក បានថ្លែងការគូសបញ្ជាក់សារជាថ្មីអំពីការប្តេជ្ញាចិត្តរបស់ខ្លួន ក្នុងការគោរពគោល ការណ៍ចិនតែមួយ ដោយឥតងាករេ ស្របពេល ដែលមានភាពតានតឹងនៅកោះតៃវ៉ាន់ ក្រោយពីដំណើរទស្សនកិច្ច របស់ប្រធានសភា តំណាងសហរដ្ឋអាមេរិក លោក ផេនស៊ី ប៉េឡូស៊ី ទៅកាន់កោះតៃវ៉ាន់ ។

ថ្លែងនៅក្នុងសន្និសីទសារព័ត៌មាន ក្រោយពីចូលរួមកិច្ចប្រជុំ រដ្ឋមន្រ្តីការបរទេស អាស៊ាន-អាមេរិក ដែលកម្ពុជាធ្វើជាម្ចាស់ផ្ទះ នារសៀលថ្ងៃ៥ សីហានេះ លោក Blinken បានលើកឡើងថា “ជំហរ របស់យើងគឺឥតងាករេនោះទេ ក្នុងការគោរពលើគោលការណ៍ចិន តែមួយ ជាមួយគ្នានឹងការ រាប់អានជាមួយនឹង កោះតៃវ៉ាន់។ យើងចង់ឲ្យភាគីចិន មានភាពអត់ធ្មត់ ចំពោះហេតុការណ៍ ដែលកើតមានចុងក្រោយនេះ ជាពិសេសដំណើរទស្សនកិច្ច របស់ប្រធានសភាអាមេរិក ដែលជាដំណើរទស្សនកិច្ច ប្រកបដោយសន្តិភាព”។

លោកបន្ថែមថា “យើងចង់ឲ្យភាគីទាំង២ ជជែកពិភាក្សាគ្នាដោយសន្តិភាព វិធីនិងមិនត្រូវជ្រើសរើស ការប្រទូស្តរាយគ្នានោះទេ” ។

ផ្ទាំងពាណិជ្ជកម្ម

លោកបន្ថែមទៀតថា “យើងមិនគាំទ្រឲ្យកោះតៃវ៉ាន់ ប្រកាសឯករាជ្យនោះឡើយ”៕

ដោយ៖ សយ សុភា

To Top