ភ្នំពេញ៖ តាមការគ្រោងទុក និង តាមបែបប្រពៃណីសាសនា នារសៀលថ្ងៃទី៣០ ខែសីហា ឆ្នាំ២០២២នេះ រដ្ឋបាលរាជធានីភ្នំពេញ បានរៀបចំពិធីសែន ក្រុងពាលី ដើម្បីបួងសួងសុំសេចក្តីសុខ សេចក្តីចំរើនពីម្ចាស់ទឹកម្ចាស់ដី អ្នកថែរក្សាភូមិករទីតាំងប្រារព្វពិធី ក្រោមអធិបតីភាព លោក ឃួង ស្រេង អភិបាលរាជធានីភ្នំពេញ និងលោកស្រី។
![](https://dap-news.com/wp-content/uploads/2022/08/photo_2022-08-30_17-12-46-1-1024x682.jpg)
ពិធីក្រុងពាលីនេះធ្វើឡើង មុនមួយថ្ងៃមុននៃពិធីបើកការដ្ឋានសាងសង់ ស្ពានអាកាស២កន្លែងព្រមគ្នាបន្ថែមទៀត ក្នុងរាជធានីភ្នំពេញ នាព្រឹកថ្ងៃទី៣១សីហា ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
![](https://dap-news.com/wp-content/uploads/2022/08/photo_2022-08-30_17-12-50-1-1024x682.jpg)
ស្ពានអាកាសទាំង២កន្លែងនេះរួមមានទី១នៅត្រង់ចំណុចប្រសព្វមហាវិថីសម្តេចតេជោហ៊ុនសែន(ផ្លូវ៦០ម៉ែត្រ),និងមហាវិថីព្រះមុន្នី វង្ស និងវិថីកងយោធពលខេមរភូមិន្ទ (ផ្លូវលេខ២៧១) និងទី២ ៖ ត្រង់ចំណុចប្រសព្វមហាវិថីសហពន្ធ័រុស្ស៊ី ជាមួយនឹងវិថីសម្តេច ចៅហ្វាវាំងវរៈវៀងជ័យធិបតីស្រឹង្គារ គង់សំអុល(ផ្លូវ២០០៤)។
![](https://dap-news.com/wp-content/uploads/2022/08/photo_2022-08-30_17-12-55-1-1024x682.jpg)
ស្ពានអាកាសថ្មីទាំងពីរទីតាំងនេះ នឹងបំពេញសេចក្តីត្រូវការ ជាក់ស្តែងរបស់ប្រជាពលរដ្ឋក្នុងទីក្រុង ពិសេសកាត់បន្ថយការកកស្ទះចរាចរណ៏ គ្រោះថ្នាក់ចរាចរណ៍ និងសម្រួលដល់ការធ្វើដំណើរ របស់ប្រជាពលរដ្ឋ ក្នុងរាជធានីភ្នំពេញដែលមានការកើនឡើង ទាំងចំនួនមនុស្ស និងមធ្យោបាយធ្វើ ដំណើរ ៕
![](https://dap-news.com/wp-content/uploads/2022/08/photo_2022-08-30_17-12-58-1-1024x682.jpg)
![](https://dap-news.com/wp-content/uploads/2022/08/photo_2022-08-30_17-13-02-1-1024x682.jpg)
![](https://dap-news.com/wp-content/uploads/2022/08/photo_2022-08-30_17-13-06-1-1024x682.jpg)
![](https://dap-news.com/wp-content/uploads/2022/08/photo_2022-08-30_17-13-11-1-1024x682.jpg)
![](https://dap-news.com/wp-content/uploads/2022/08/photo_2022-08-30_17-13-25-1-1024x568.jpg)
![](https://dap-news.com/wp-content/uploads/2022/08/photo_2022-08-30_17-13-30-1-1024x682.jpg)
![](https://dap-news.com/wp-content/uploads/2022/08/photo_2022-08-30_15-18-34-2-1024x568.jpg)
![](https://dap-news.com/wp-content/uploads/2022/08/photo_2022-08-30_15-18-39-2-1024x568.jpg)
![](https://dap-news.com/wp-content/uploads/2022/08/photo_2022-08-30_15-18-43-3-1024x568.jpg)
![](https://dap-news.com/wp-content/uploads/2022/08/photo_2022-08-30_15-18-47-3-1024x568.jpg)
![](https://dap-news.com/wp-content/uploads/2020/08/1-1.png)