ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានព្រមានបុគ្គលឈ្មោះ ហ៊ុន វិបុល ដែលបន្លំខ្លួនធ្វេីជាប្អូនជីដូនមួយរបស់ សម្តេច ឲ្យបញ្ឈប់ជាបន្ទាន់នូវសកម្មភាព បោកប្រាស់។
ការលេីកឡេីងរបស់ សម្ដេចតេជោ ក្រោយពីបុគ្គលឈ្មោះ ហ៊ុន វិបុល តាំងខ្លួនជាប្អូនជីដូនមួយរបស់ សម្តេច ខណៈ សម្ដេច ពិតជាធ្លាប់មានប្អូនជីដូនមួយឈ្មោះ ហ៊ុន វិបុល ពិតប្រាកដមែន តែត្រូវពួក ប៉ុល ពត សម្លាប់តាំងពី៤៤ឆ្នាំមុនមកម្ល៉េះ។
តាមរយៈគេហទំព័រហ្វេសប៊ុក នាល្ងាចថ្ងៃទី៦ ខែកញ្ញា ឆ្នាំ២០២២ សម្ដេចតេជោ ហ៊ុន សែន បានឲ្យដឹងថា “ដើម្បីបញ្ចប់នៅសកម្មភាពបោកប្រាស់របស់ឈ្មោះ ហ៊ុន វិបុល ដែលបន្លំខ្លួនថា ជាប្អូនជីដូនមួយរបស់ សម្ដេច ពេលនេះខ្ញុំសូមបញ្ជាក់ជូនថា ខ្ញុំពិតជាមានប្អូនជីដូនមួយម្នាក់ឈ្មោះហ៊ុន វិបុល ពិតមែនតែប្អូនប្រុស
របស់ខ្ញុំត្រូវបានពួកប៉ុល ពតសម្លាប់តាំងពី៤៤ឆ្នាំមុនមកម្លេះ”។
សម្ដេចតេជោ បន្ដថា ក្មួយរបស់ សម្ដេច បានណែនាំ ហ៊ុន វិបុល តាមរយៈទូរស័ព២ លើកមកហើយតែមនុស្សនេះនៅតែបន្តតាំងខ្លួនជាប្អូនជីដូនមួយ
សម្ដេច មិនព្រមឈប់ដែលរឿងនេះអាចបង្កឱ្យ
មានការភ័នច្រឡំថា សម្ដេច ជាមនុស្សមិនរាប់
អានបងប្អូន។
សម្ដេចតេជោ បញ្ជាក់ថាទៀតថា “បងប្អូនជនរួមជាតិបានដឹងហើយថា ខ្ញុំបាន ក្រាញននៀលរួមរស់នៅជាមួយប្រជាជនក្នុងគ្រប់កាលៈទេសៈនិងគ្រប់ស្រទាប់
ក្នុងសង្គមដោយគ្មានការរើសអើង។និយាយមួយបែបខ្ញុំគឺជាមនុស្សរាប់ញាតិ ហេតុអីខ្ញុំបែរជាបោះបង់ចោលប្អូនជីដូនមួយម្នាក់ដែលខ្ញុំនឹកគេទាំងយប់ទាំងថ្ងៃ
ទៅវិញ?។ សូមប្អូន ហ៊ុន វិបុល បញ្ឈប់សកម្មភាព
បោកប្រាស់ត្រឹមនេះចុះបើមិនចង់មានរឿង”៕
