រដ្ឋមន្ដ្រី ខៀវ កាញារីទ្ធ ៖ អ្នកកាសែតខ្មែរ ពេលប្រកួតស៊ីហ្គេម មិនត្រូវចល័តចុះឡើងទេ

ភ្នំពេញ ៖ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានថ្លែងឲ្យដឹងថា នៅពេលប្រកួតកីឡាស៊ីហ្គេម អ្នកកាសែតខ្មែរ អ្នកណានៅកន្លែងណា ត្រូវនៅកន្លែងនៅះ អត់មានចល័តចុះឡើងនោះទេ ។

តាមរយៈគេហទំព័រហ្វេសប៊ុករបស់ លោករដ្ឋមន្ដ្រី ខៀវ កាញារីទ្ធ នាថ្ងៃទី២៥ ខែមេសា ឆ្នាំ២០២៣ បានសរសេរថា «អ្នកកាសែតខ្មែរយើងត្រូវដឹងរឿងមួយ! នៅពេលប្រកួតកីឡាស៊ីហ្គេម អ្នកណានៅកន្លែងណា ត្រូវនៅតែកន្លែងនោះ អត់មានចល័តចុះឡើងទេ។ នេះជាវិន័យដាច់ណាត់”។

លោកថា បើអ្នកណាបំពានធ្ងន់ធ្ងរលើវិន័យនេះ អាចប្រទេសគេដាក់ពិន័យកម្ពុជា មិនឲ្យចូលប្រកួត នាពេលខាងមុខទៀតបាន។

សូមរំលឹកថា ត្រឹមថ្ងៃទី២៥ មេសា ឆ្នាំ២០២៣ នេះ គឺនៅសល់តែ ១០ថ្ងៃទៀតប៉ុន្នោះ នឹងឈានដល់ព្រឹត្តិការណ៍ស៊ីហ្គេមលើកទី៣២(32nd SEA Games) និងអាស៊ានប៉ារ៉ាហ្គេម លើកទី១២ (12th ASEAN Para Games) ដែលកម្ពុជាធ្វើជាម្ចាស់ផ្ទះក្នុងឆ្នាំ២០២៣នេះ ដោយសំបុត្របានចែកចាយ ដោយឥតគិតថ្លៃកាលពីថ្ងៃ២៤ មេសា ៕