ភ្នំពេញ ៖ សម្ដេច ឃួន សុដារី ប្រធានរដ្ឋសភាកម្ពុជា និងទទួលជួបពិភាក្សាការជាមួយលោកគីម ជីន ព្យូ (Kim Jin Pyo) ប្រធានរដ្ឋសភានៃសាធារណរដ្ឋកូរ៉េ ព្រមទាំងគណៈប្រតិភូនៅព្រឹកថ្ងៃ ទី៧ ខែកញ្ញា ឆ្នាំ២០២៣ នៅវិមានរដ្ឋសភា។ តាមគម្រោងប្រធានរដ្ឋសភាកូរ៉េនឹងមកដល់កម្ពុជានាថ្ងៃ៦ កញ្ញានេះ ក្នុងដំណើរទស្សនកិច្ច៤ថ្ងៃ។
គណៈប្រតិភូជាន់ខ្ពស់រដ្ឋសភាកូរ៉ នឹងអញ្ជើញមកបំពេញទស្សនកិច្ចជាផ្លូវការ និងមិត្តភាពនៅកម្ពុជា តបតាមការអញ្ជើញរបស់សម្តេច ឃួន សុដារី ចាប់ពីថ្ងៃ៦-៩ កញ្ញា ។
ក្នុងកំឡុងពេលនៃដំណើរទស្សនកិច្ចនេះ គណៈប្រតិភូជាន់ខ្ពស់រដ្ឋសភាកូរ៉េ គ្រោងជួបថ្នាក់ដឹកនាំជាន់ខ្ពស់កម្ពុជាដូចជា ៖ សម្តេច សាយ ឈុំ ប្រមុខរដ្ឋស្ដីទី , សម្តេចតេជោ ហ៊ុន សែន ប្រធានក្រុមឧត្តមក្រុមប្រឹក្សាផ្ទាល់ព្រះមហាក្សត្រ , សម្ដេចធិបតី ហ៊ុន ម៉ាណែត នាយករដ្ឋមន្ត្រី និងសម្តេចតី ឃួន សុដារី ដើម្បីពង្រឹងពង្រីកចំណងមិត្តភាព និងកិច្ចសហប្រតិបត្តិការ រវាងស្ថាប័ននីតិប្បញ្ញត្តិ នៃប្រទេសទាំងពីរ៕
