DAP News

កីឡា

ទោះបីជាមានបញ្ហាប្រឈម ប្រទេសចិន នឹងអាចរៀបចំ ការប្រកួតកីឡាអូឡាំពិក រដូវរងាឆ្នាំ២០២២ ដោយជោគជ័យ

ពិធីបើកជាផ្លូវការនៃការប្រកួត កីឡាអូឡាំពិក រដូវរងា លើកទី២៤ នឹងត្រូវប្រារព្ធធ្វើឡើង នៅថ្ងៃ ទី០៤ ខែកុម្ភៈ ឆ្នាំ២០២២ខាងមុខនេះ នាទីក្រុងប៉េកាំង ប្រទេស ចិន។ ទីក្រុង ប៉េកាំង នឹងក្លាយជា ទីក្រុងដំបូងបង្អស់នៅក្នុងប្រវត្តិសាស្រ្ត ដែលបានធ្វើជា ម្ចាស់ផ្ទះ នៃការប្រកួត កីឡា អូឡាពិក រដូវក្ដៅនិងការប្រកួតកីឡាអូឡាំពិករដូវរងារ។ អត្តពលិក ប្រហែល ៣០០០ នាក់ មកពី ប្រទេសប្រហែល៩០ នឹងចូលរួមប្រកួត ប្រជែង លើវិញ្ញាសា កីឡា ១០៩ផ្សេងៗគ្នា ដែលនឹង ប្រព្រឹត្តទៅ រហូតដល់ថ្ងៃទី២០ ខែកុម្ភៈ ឆ្នាំ២០២២។ ការទទួលបានសិទ្ធិធ្វើជាម្ចាស់ផ្ទះ រៀបចំព្រឹត្តិការណ៍កីឡាពិភពលោកបែបនេះ ពិតជា នាំមក នូវ មោទកភាពជូនប្រទេសម្ចាស់ផ្ទះប៉ុន្តែទន្ទឹមនឹងនោះ វាក៏នាំមកនូវបន្ទុក និងបញ្ហាប្រឈមផងដែរ។ ការត្រៀមរៀបចំព្រឹត្តិការណ៍ កីឡាដ៏ធំបែបនេះ ពិតជាមានលក្ខណៈស្មុគ្រស្មាញ និងទាមទារនូវធនធានសម្ភារៈបច្ចេកទេស ហិរញ្ញវត្ថុ និង ធនធានមនុស្ស ដ៏ច្រើនសន្ធឹកសន្ធាប់។ ដោយមានធនធានគ្រប់គ្រាន់ និងបទពិសោធន៍ ដែលទទួលបានពីការរៀបចំ ព្រឹត្តិការណ៍កីឡាអូឡាំពិករដូវក្ដៅឆ្នាំ២០០៨ ព្រមជាមួយ នឹងការប្ដេជ្ញាចិត្តដ៏មោះមុត ពីរដ្ឋាភិបាលចិន និងការគាំទ្រពេញទំហឹងពី សាធារណជនចិន រហូតមកដល់ពេលនេះ យើងសង្កេតឃើញថា ប្រទេសចិនបានត្រៀមខ្លួន រួចរាល់បានយ៉ាងល្អ សម្រាប់ព្រឹត្តិការណ៍កីឡាពិភពលោកនេះ។ ក៏ប៉ុន្តែនៅពេលព្រឹត្តិការណ៍ប្រកួតកីឡានេះ ជិតចាប់ផ្ដើមយើងក៏ សង្កេតឃើញនូវការលេចឡើង នូវបញ្ហាប្រឈមថ្មីៗសម្រាប់ប្រទេសចិនផងដែរ។ ការលេចឡើងនូវមេរោគ កូវីដ-១៩ ប្រភេទថ្មី អូមីក្រុង ដែលបានរីករាលដាលនៅទូទាំងពិភពលោក កំពុងបង្កការគំរាមកំហែងជាថ្មី ដល់ការរៀបចំព្រឹត្តិការណ៍កីឡាពិភពលោកនេះ។ ក៏ប៉ុន្តែបទពិសោធន៍ ក្នុងការទប់ស្កាត់ ជំងឺកូវីដ-១៩ នាពេលកន្លងទៅ និងអត្រាចាក់វ៉ាក់សាំងដ៏ខ្ពស់ ក្នុងចំណោមប្រជាជនចិន នឹងជួយប្រទេសចិនជំនះ បញ្ហាប្រឈមនេះ ដោយជោគជ័យ។ បញ្ហាប្រឈមចម្បងមួយទៀត សម្រាប់ចិន គឺការធ្វើនយោបាយតូបនីយកម្ម ព្រឹត្តិការណ៍ កីឡាពិភពលោកនេះ ដោយប្រទេសមួយចំនួនតូច។ នៅមុនពេលការប្រកួតកីឡា ពិភពលោកនេះចាប់ផ្ដើម សហរដ្ឋអាមេរិក បានដឹកនាំធ្វើយុទ្ធនាការ ពហិកាការទូតប្រឆាំង នឹងការរៀបចំការ ប្រកួត កីឡាអូឡាំពិករដូវរងា នៅក្នុងប្រទេសចិន ដោយបានប្រកាសថាខ្លួន នឹងមិនបញ្ជូនមន្ត្រីជាន់ខ្ពស់ ឬគណៈប្រតិភូ ផ្លូវការទៅចូលរួមនោះឡើយ។ សម្ព័ន្ធមិត្តមួយចំនួន របស់សហរដ្ឋអាមេរិក ដូចជាអង់គ្លេស កាណាដា អូស្រ្តាលី និងប្រទេសមួយចំនួនទៀត នៅទ្វីបអឺរ៉ុប ក៏បានប្រកាសចូលរួម ក្នុង ពហិកាការទូតនេះផងដែរ។ ស្ថានភាពសិទ្ធិមនុស្ស ជាពិសេសស្ថានភាពរបស់ជនជាតិវៃវូអឺ នៅខេត្តស៊ីនជាំង ត្រូវបានគេប្រើប្រាស់ធ្វើជា មូលហេតុគាំទ្រការធ្វើពហិកានេះ។ ប៉ុន្តែប្រសិនបើយើងពិនិត្យមើល ឲ្យបានគ្រប់ជ្រុងជ្រោយ និងស៊ីជម្រៅ ហេតុផលទាំងនោះ គ្រាន់តែជាលេស ដែលត្រូវយកមកប្រើប្រាស់ ដើម្បីសម្រេចគោលដៅ នយោបាយដ៏កខ្វក់ របស់ពួកគេតែប៉ុណ្ណោះ។ ប្រទេសចិន បានធ្វើការបកស្រាយ និងបង្ហាញថាស្ថានភាពរបស់ជនជាតិភាគតិចនៅក្នុង ខេត្តស៊ីនជាំង មានស្ថានភាព ល្អប្រសើរ ជាងពេលមុន យ៉ាងខ្លាំង ប៉ុន្តែប្រទេសទាំងនោះ មិនបាន យកចិត្តទុកដាក់ស្ដាប់ ការពន្យល់ បកស្រាយ និង ពិនិត្យមើល ភស្តុតាងជាក់ស្ដែងនោះឡើយ ។ ជាងនេះទៅទៀត ប្រទេសមួយចំនួន ដែលអះអាងថា ខ្លួនធ្វើពហិកានេះ ដើម្បីកែលម្អស្ថានភាព សិទ្ធិមនុស្សនៅក្នុង ប្រទេស ចិនមិនទាន់បានលុបបំបាត់ បញ្ហា សិទ្ធិមនុស្ស នៅក្នុង ប្រទេស ខ្លួនឯងនៅឡើយ ដូចជាអំពើ ហិង្សា ពាក់ព័ន្ធនឹងអាវុធ ការរើសអើងប្រឆាំងជនជាតិស្បែកខ្មៅ ប្រឆាំង ជនអន្តោប្រវេសន៍ ឬប្រឆាំងជនភៀសខ្លួន ជាដើម។ និយាយដោយសង្ខេប ការប្រកួតប្រជែងនយោបាយ ពិភពលោក គឺជាមូលហេតុពិតប្រាកដ ដែលជំរុញឲ្យមានការធ្វើពហិកានេះ។ និយាយម្យ៉ាងទៀត សហរដ្ឋអាមេរិក និងសម្ព័ន្ធមិត្ត មួយចំនួនរបស់ខ្លួន កំពុងប្រើប្រាស់ ព្រឹត្តិការណ៍ប្រកួត កីឡាអូឡាំពិករដូវរងានេះ ធ្វើជាឧបករណ៍ ដើម្បីបង្អាក់ និងរាំងខ្ទប់ការរីកចម្រើន របស់ចិន ជាពិសេស ដើម្បីបំផ្លាញកេរ្តិ៍ឈ្មោះរបស់ចិន និងធ្វើឲ្យប្រទេសចិនឯកោ នៅលើឆាកអន្តរជាតិ។ តាមការពិតព្រឹត្តិការណ៍ប្រកួតកីឡាអូឡាំពិក គឺជាវេទិកា ដែលប្រជាជាតិ ទាំងអស់ចូលរួម ដើម្បីបុព្វហេតុ កីឡា សន្តិភាព មិត្តភាព និងសហគមន៍ រួមគ្នា ដោយមិនពាក់ព័ន្ធនិង ផលប្រយោជន៍ នយោបាយនោះឡើយ។ ហេតុដូច្នេះ ការធ្វើពហិកាក្នុងទម្រង់ណាមួយ ដោយសារ ហេតុផល នយោបាយ គឺជាការធ្វើនយោបាយតូបនីយកម្ម ព្រឹត្តិការណ៍កីឡា ពិភពលោកនេះ ដែលនឹងបង្ក ផលប៉ះ ពាល់ យ៉ាងធ្ងន់ធ្ងរទៅដល់ ស្មារតី នៃការប្រកួតកីឡា អូឡាំពិកនិងស្មារតីកីឡានៅក្នុងប្រទេសរបស់ពូកគេទៅវិញទេ។ ការប្រើប្រាស់ ព្រឹត្តិការណ៍កីឡា ដើម្បីផលប្រយោជន៍ នយោបាយបែបនេះ ហាក់ដូចជា ជួយឆ្លុះបង្ហាញបន្ថែមកាន់តែច្បាស់ថា សហរដ្ឋអាមេរិក និងសម្ព័ន្ធមិត្ត របស់ខ្លួន មិនខ្លាចនឹង ប្រើប្រាស់មធ្យោបាយអ្វីក៏ដោយ ដើម្បីសម្រេចផលប្រយោជន៍ដ៏តូចចង្អៀតរបស់ខ្លួន។ ទោះជាយ៉ាងណាក៏ដោយ ការធ្វើពហិកាការទូតដែលមានលក្ខណៈត្រឹមតែនិមិត្តរូបបែបនេះ មិនអាច បំផ្លាញ ព្រឹត្តិការណ៍ នេះនោះឡើយ។ ខណៈពេលដែល សហរដ្ឋអាមេរិក បានប្រកាស ថា ខ្លួននឹង មិនបញ្ជូនមន្ត្រីឬគណៈប្រតិភូផ្លូវការ ទៅចូលរួម ក៏ប៉ុន្តែសហរដ្ឋអាមេរិក បានបញ្ជូន អត្តពលិក របស់ខ្លួនចំនួន២២៣នាក់ ទៅចួលរួម ប្រកួតប្រជែង នៅក្នុង ព្រឹត្តិការណ៍ កីឡា ពិភពលោកនេះ ដែលនេះគឺជាចំនួនច្រើនបំផុតក្នុងលំដាប់ទីពីរ បើធៀប ទៅនឹងចំនួន អត្តពលិក ច្រើនបំផុត ២២៨នាក់ ដែលអាមេរិកបានបញ្ជូន ទៅចូលរួមការប្រកួតកីឡា អូឡាំពិក រដូវរងា នៅកូរ៉េខាងត្បូងក្នុងឆ្នាំ២០១៨។ ទន្ទឹមនឹងនេះ យើងសង្កេតឃើញថា មានប្រទេស តែមួយចំនួនតូចប៉ុណ្ណោះដែលបានគាំទ្រនិងចូលរួមក្នុងការធ្វើពហិកានេះ ហើយនៅក្នុង ចំណោម ប្រទេសទាំងនោះ ប្រទេសមួយចំនួនបានលើកហេតុផលជំងឺកូវីដ-១៩ ថាជាមូលហេតុ ដែលធ្វើឲ្យពួកគេ មិនអាចបញ្ជូនមន្ត្រីផ្លូវការទៅចូលរួម ដោយពួកគេមិនបាន ប្រកាស ជាផ្លូវការ ថាពួកគេ កំពុងធ្វើ ពហិកានោះឡើយ។ តែផ្ទុយទៅវិញ ប្រទេស ជាច្រើនលើសលប់ បានគាំទ្រ ការរៀបចំ ការប្រកួត កីឡាអូឡាំពិករដូវរងានៅក្នុងប្រទេសចិន ហើយ សូម្បី តែ ប្រទេសធំៗ ជាច្រើន នៅទ្វីប អឺរ៉ុប ដែលជាសម្ព័ន្ធមិត្តរបស់សហរដ្ឋអាមេរិកដូចជា បារាំង អ៊ីតាលី និង អេស្ប៉ាញ ជាដើម មិនបានចូលរួមក្នុងយុទ្ធនាការ ពហិកា ដែលដឹកនាំ ដោយអាមេរិក នោះឡើយ។ ប្រវត្តិសាស្រ្ត បានបង្ហាញថា ការប្រើប្រាស់ ព្រឹត្តិការណ៍ប្រកួតកីឡាអូឡាំពិក ដើម្បីសម្រេច វត្ថុបំណង នយោបាយ ហាក់ដូចជា មិនសម្រេច ជោគជ័យ តាមបំណង ប្រាថ្នា នោះឡើយ។ នៅពេល ប្រទេសចិន ធ្វើជា ម្ចាស់ផ្ទះនៃការប្រកួត កីឡាអូឡាំពិករដូវក្ដៅកាលពី ឆ្នាំ២០០៨ បស្ចិមប្រទេសក៏ធ្លាប់ បើកយុទ្ធនាការ រិះគន់ វាយប្រហារ ប្រទេសចិនផងដែរ ក៏ប៉ុន្តែ យុទ្ធនាការ នោះ ពុំទទួលបានជោគជ័យ នោះឡើយ ដោយប្រទេសចិ ននៅតែអាចរៀបចំ ព្រឹត្តិការណ៍ ប្រកួត កីឡា អូឡាំពិករដូវក្ដៅនាពេលនោះ ដោយជោគជ័យយ៉ាងត្រចះត្រចង់៕

M	T	W	T	F	S	S
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31

បញ្ហាវិបត្តិទឹក! ទឹកសាបក្នុងសតវត្សន៍ទី២១

អាមេរិកបង្កើតបញ្ហា, Ukraine ជាសាច់ដុំមហារីក មិនងាយព្យាបាលសម្រាប់រុស្ស៊ី!

News

សម្ដេចតេជោ ហ៊ុន សែន ៖ ​គណបក្សប្រជាជនកម្ពុជា គ្មានថ្ងៃបោះបង់ចោលថ្ងៃ ៧ មករា

សម្តេចតេជោ ហ៊ុន សែន អញ្ជើញបើកការដ្ឋាន សាងសង់ស្ពានអាកាសថ្មី នៅផ្លូវជាតិលេខ៥ ក្នុងខណ្ឌ ឫស្សីកែវ

ថៃឡង់ដ៏ ប្រកាសតំបន់គ្រោះមហន្តរាយ ក្រោយមានករណីធ្លាយប្រេង ចេញពីក្រោមសមុទ្រ

ករណីបំផ្ទុះគ្រាប់បែក​ នៅភាគខាងត្បូង ប្រទេសថៃឡង់ដ៏ ប៉ូលិសបាញ់សម្លាប់ ជនសង្ស័យ២នាក់

ប្រធានាធិបតី អ៊ីស្រាអ៊ែល ធ្វើដំណើរទៅដល់ អារ៉ាប៊ីសាអូឌីត

អភិបាលរាជធានី អញ្ជើញបញ្ចុះបឋមសិលា មុនបើកការដ្ឋាន សាងសង់ស្ពានអាកាស បណ្ដោយផ្លូវជាតិលេខ៥ថ្មី

សម្ដេច ស ខេង ណែនាំក្រុមការងារយុវជន គណបក្សប្រជាជនកម្ពុជា បន្ដរក្សាសាមគ្គីភាព កុំមើលបំណាំ និងច្រណែនគ្នា

មហាសេដ្ឋីអាមេរិក លោក George Soros ត្រូវបានគេចោទថា ជាអ្នករៀបចំ បដិវត្តន៍ពណ៌ នៅជុំវិញពិភពលោក

ឥណ្ឌូនេស៊ី មានអ្នកឆ្លងជំងឺកូវីដ-១៩ថ្មី ជាង១១.០០០នាក់ ខណៈវីរុសបំប្លែងខ្លួនថ្មី Omicron កំពុងបន្តរាតត្បាត

កូរ៉េខាងជើង បាញ់មីស៊ីលមិនស្គាល់ អត្តសញ្ញាណ១គ្រាប់ ទាំងព្រឹក ឆ្ពោះទៅសមុទ្រជប៉ុន

ម៉ាឡេស៊ី រកឃើញអ្នកឆ្លងជំងឺកូវីដ-១៩ថ្មី ជាង៥.០០០ពាន់នាក់

អូស្ត្រាលី នឹងយកបញ្ហាពាណិជ្ជកម្ម ជាមួយនឹងចិន បញ្ចូលក្នុងកម្មវិធីជួបជុំ នៃអង្គការពាណជ្ជកម្មពិភពលោក WTO

សរុបព្រឹត្តិការណ៍ ព័ត៌មានអន្តរជាតិសំខាន់ៗ ប្រចាំសប្ដាហ៍

សរុបព្រឹត្តិការណ៍ ព័ត៌មានជាតិសំខាន់ៗ ប្រចាំសប្ដាហ៍

ឯកអគ្គរដ្ឋទូតចិន ប្រចាំកម្ពុជា បង្ហាញពីរបៀបធ្វើគាវ

ទោះបីជាមានបញ្ហាប្រឈម ប្រទេសចិន នឹងអាចរៀបចំ ការប្រកួតកីឡាអូឡាំពិក រដូវរងាឆ្នាំ២០២២ ដោយជោគជ័យ

កម្លាំងអាវុធហត្ថរាជធានីភ្នំពេញ ឃាត់ខ្លួនជនសង្ស័យពីរនាក់ ពាក់ព័ន្ធករណីលួចម៉ូតូ នៅក្នុងកោះពេជ្រ

សម្ដេចតេជោ លើកទឹកចិត្តឱ្យប៉ូឡូញ និងសហភាពអឺរ៉ុប បន្តផ្តល់ការគាំទ្រ ដល់កម្ពុជា និងអាស៊ាន

ហ្វីលីពីន ចាយលុយជិត ៤០០លានដុល្លារ ទិញអាវុធពីឥណ្ឌា

អាមេរិក ផ្លាស់ប្តូរជំនួយ ជាសព្វាវុធ ឲ្យលីបង់ទៅជាជំនួយ សម្រាប់គ្រួសារយោធាវិញ

អាមេរិក ជំរុញឱ្យចិន ប្រើប្រាស់ឥទ្ធិពលរបស់ខ្លួន ជាមួយរុស្ស៊ី លើវិបត្តិអ៊ុយក្រែន

មន្ទីរបញ្ចកោណ ជំរុញរុស្ស៊ី ឲ្យបន្ថយគោលជំហរយោធា ស្តីពីបញ្ហាអ៊ុយក្រែន

ប្រមុខរាជរដ្ឋាភិបាលកម្ពុជា ចាត់ទុកវ៉ាក់សាំងបង្ការ ជំងឺកូវីដ១៩ ជាអាទិភាពយុទ្ធសាស្រ្ត

ទំហំពាណិជ្ជកម្ម កម្ពុជា-ចិន ​ក្នុងឆ្នាំ២០២១​ មានចំនួនលើសពី ១១.១​ពាន់លានដុល្លារអាមេរិក

សម្តេចតេជោ ហ៊ុន សែន អញ្ជើញទទួលវ៉ាក់សាំង ៣០ម៉ឺនដូស ជាជំនួយ រដ្ឋាភិបាលប៉ូឡូញ

ប្រតិទិន

ព័ត៌មានសេដ្ឋកិច្ច

ព័ត៌មានពេញនិយមក្នុងសប្តាហ៍នេះ

អ្នកវិភាគ ៖ ការគំរាមរបស់បារាំង ឲ្យសៀមគោរពសន្ធិសញ្ញា បារាំង-សៀម ទទួលជោគជ័យ

វរសេនីយ៍ឯក ឈឹម រត្ថា មន្ដ្រី នៃនាយកដ្ឋានច្រកទ្វារទី១ ត្រូវបានផ្អាកការងារ ដោយផ្អាកបៀវត្សបណ្ដោះអាសន្ន

ព័ត៌មានសម្ងាត់អំពី ការវាយប្រហាររបស់សហរដ្ឋអាមេរិក លើប្រទេសអ៊ីរ៉ង់ គឺត្រូវបានបែកធ្លាយ

ស្នងការខេត្តកណ្តាល ឲ្យស្រ្តីម្នាក់ មកបំភ្លឺជាបន្ទាន់ ក្រោយប្រមាថលើថ្នាក់ដឹកនាំនៃស្នងការ

ទស្សនៈ ! មេភូមិភាគ២ ទំនងចង់ទំលាក់បន្ទុក ដាក់រដ្ឋមន្ត្រីវប្បធម៌ថៃ លាងជម្រះយករួចខ្លួន

អត្ថបទស្រាវជ្រាវ

ស្នងការខេត្តកណ្តាល ឲ្យស្រ្តីម្នាក់ មកបំភ្លឺជាបន្ទាន់ ក្រោយប្រមាថលើថ្នាក់ដឹកនាំនៃស្នងការ

ទស្សនៈ ! មេភូមិភាគ២ ទំនងចង់ទំលាក់បន្ទុក ដាក់រដ្ឋមន្ត្រីវប្បធម៌ថៃ លាងជម្រះយករួចខ្លួន

ប្រទេសរដ្ឋសមាជិកណាតូមួយ សម្រេចចិត្តដើរចេញ ពីផែនការផ្គត់ផ្គង់អាវុធឲ្យ អ៊ុយក្រែនរបស់លោក Trump

សម្ដេចតេជោ ហ៊ុន សែន ៖ គណបក្សប្រជាជនកម្ពុជា គ្មានថ្ងៃបោះបង់ចោលថ្ងៃ ៧ មករា

ករណីបំផ្ទុះគ្រាប់បែក នៅភាគខាងត្បូង ប្រទេសថៃឡង់ដ៏ ប៉ូលិសបាញ់សម្លាប់ ជនសង្ស័យ២នាក់

ទំហំពាណិជ្ជកម្ម កម្ពុជា-ចិន ក្នុងឆ្នាំ២០២១ មានចំនួនលើសពី ១១.១ពាន់លានដុល្លារអាមេរិក