កាលពីថ្ងៃទី៨ ខែកុម្ភៈ ក្នុងការប្រកួតដែលធ្វើឡើងនៅកីឡាដ្ឋានលោតជិះស្គីBig Air Shougang កញ្ញា Gu Ailing អត្តពលិកនៃគណៈប្រតិភូកីឡាចិនទទួលបានមេដាយមាសលើវិញ្ញាសាជិះស្គីបែបសេរីផ្នែកនារី ។ ប្រការនេះក៏បានញ៉ាំងឱ្យប្រព័ន្ធសារព័ត៌មានបរទេសចាប់អារម្មណ៍ពីកីឡដានលោតជិះស្គីBig Air Shougang ដែលសាងសង់នៅលើទីតាំងចាស់នៃរោងចក្រដែកថែបរដ្ឋធានីប៉េកាំង ។
ប្រព័ន្ធសារព័ត៌មានអាមេរិក CNN បានផ្សាយដំណឹងថា កាលពីមុន អត្តពលិកដែលចូលរួមការប្រកួតកីឡាអូឡាំពិករដូវរងា មានទម្លាប់សម្តែងកាយវិការពិបាកដែលលោតចុះពីភ្នំទឹកកក ប៉ុន្តែ កីឡដ្ឋានBig Air Shougang នៃការប្រកួតកីឡាអូឡាំពិករដូវរងាក្រុងប៉េកាំងលើកនេះ ត្រូវបានអ្នកផងចាប់អារម្មណ៍យ៉ាងខ្លាំង ដោយសារបរិស្ថានទីក្រុងដែលដើរលើសភាពទាន់សម័យ ។ ព័ត៌មាននេះបានចុះផ្សាយថា អត្តពលិកជិះស្គីបានលោតចុះពីជម្រាលដែលមានកម្ពស់៦០ម៉ែត្រ តែនៅពីខាងក្រោយនេះ គឺបំពង់ផ្សែងនិងប៉មត្រជាក់ដ៏ធំខ្ពស់ ។
ព័ត៌មាននេះបានឧទ្ទេសនាមយ៉ាងលម្អិតពីប្រវតិ្តសាស្ត្រនៃរោងចក្រដែកថែបរដ្ឋធានីប៉េកាំង ដោយបានលើកឡើងថា រោងចក្រនេះបានបង្កើតឡើងនៅឆ្នាំ១៩១៩ ជាង១០ឆ្នាំមុន រោងចក្រដែកថែបរដ្ឋធានីបានចាប់ផ្តើមរុះរើចេញ ។ នេះជាវិធានការដ៏សំខាន់របស់ក្រុងប៉េកាំងដើម្បីគ្រប់គ្រងខ្យល់អាកាស មុនពេលការប្រកួតកីឡាអូឡាំពិករដូវក្តៅក្រុងប៉េកាំងកាលពីឆ្នាំ២០០៨ ៕
