ក្រសួងរតនាគារអាមេរិក កំពុងពិចារណាដាក់រូបលោក Donald Trump លើកាក់មួយដុល្លារ
បរទេស៖ ក្រសួងរតនាគារអាមេរិកកំពុងពិចារណាដាក់រូបភាពប្រធានាធិបតីអាមេរិកលោក Donald Trump លើកាក់មួយដុល្លារ សម្រាប់ថ្ងៃដែលប្រារព្ធខួបលើកទី២៥០ នៃឯករាជ្យរបស់អាមេរិក។
យោងតាមសារព័ត៌មាន RT ចេញផ្សាយកាលពីថ្ងៃទី៤ ខែតុលា ឆ្នាំ២០២៥ បានឱ្យដឹងថា យោងតាមសេចក្តីព្រាងការរចនាដំបូងដែលបានបង្ហាញកាលពីថ្ងៃសុក្រ កាក់នេះបង្ហាញពីទម្រង់របស់លោក Trump នៅម្ខាង រួមជាមួយនឹងពាក្យ “សេរីភាព” និង ពាក្យ “នៅក្នុងព្រះដែលយើងទុកចិត្ត” និងកាលបរិច្ឆេទ 1776-2026 ។
ផ្នែកម្ខាងទៀតបង្ហាញលោក Trump លើកកណ្តាប់ដៃដែលផ្ទៃខាងក្រោយនៃទង់ជាតិសហរដ្ឋអាមេរិក ដោយមានចារឹកពាក្យ “ប្រយុទ្ធ ប្រយុទ្ធ ប្រយុទ្ធ” “សហរដ្ឋអាមេរិក” និង “E pluribus unum” ។
រូបភាពនេះគឺជាការគោរពយ៉ាងច្បាស់លាស់ចំពោះរូបថតដែលថតដោយ Evan Vucci របស់ AP ភ្លាមៗបន្ទាប់ពីការប៉ុនប៉ងធ្វើឃាតដែលបរាជ័យលើលោក Trump ក្នុងខែកក្កដា ឆ្នាំ 2024 ដែលត្រូវបានផ្សព្វផ្សាយឡើងវិញយ៉ាងទូលំទូលាយនៅក្នុងប្រព័ន្ធផ្សព្វផ្សាយអាមេរិក និងអន្តរជាតិ។
ប្រែប្រួលៈ ណៃ តុលា
